Tamannaah and Anil Ravipudi : సమ్మర్ సోగ్గాళ్లుగా థియేటర్స్ ముందుకు వచ్చిన F3 మూవీ.. చెప్పినట్లుగా ఆడియన్స్‌కు నవ్వుల విందు అందిస్తోంది. F2 సినిమాకు సీక్వెల్‌గా వచ్చిన ఈ సినిమా.. కలెక్షన్ల పరంగా దూసుకుపోతుంది. మే 27న విడుదలైన ఎఫ్3 సినిమాకు సినీ ప్రియుల నుంచి భారీ స్పందన వస్తోంది. ముఖ్యంగా ఫ్యామిలీ ఆడియన్స్ థియేటర్లకు క్యూ కడుతున్నారు. అనిల్ రావిపూడి డైరెక్షన్‌లో తెరకెక్కిన ఈ సినిమాలో తమన్నా, మెహ‌రీన్ హీరోయిన్లుగా నటించారు. సోనాల్ చౌహాన్, మురళీ శర్మ, రాజేంద్రప్రసాద్, అలీ, సునీల్ ఇతర పాత్రల్లో యాక్ట్ చేశారు.
తమన్నాతో గొడవపై అనిల్ రావిపూడి క్లారిటీ..
Anil Ravipudi clarifies on his bitter fight with Tamannaah.
ఈ మూవీ రిలీజ్ కు ముందు మిల్కీ బ్యూటీ తమన్నా తప్ప… విక్టరీ వెంకటేష్, వరుణ్ తేజ్, మెహ్రీన్, అనిల్ రావిపూడి, దిల్ రాజు.. సునీల్.. ఇలా ప్రతీ ఒక్కరు ఈ మూవీ ప్రమోషన్స్ లో పాల్గొన్నారు. అయితే ఈ నేపథ్యంలో అనిల్ రావిపూడి మరియు తమన్నా మధ్య గొడవైందని అందుకే తను ప్రమోషన్స్ కి రావడం లేదు అంటూ ప్రచారం మొదలైంది. తాజాగా ఒక ఇంటర్వ్యూలో మాట్లాడుతూ అనిల్ రావిపూడి ఈ పుకార్లపై రియాక్ట్ అయ్యారు. “ఒకరోజు తమన్నా చాలా మంది ఆర్టిస్టులతో ఒక సన్నివేశం షూట్ చేయాల్సి వచ్చింది. కానీ అప్పుడు తన సమయం దాటిపోయింది అని, నెక్స్ట్ డే జిమ్ కి వెళ్ళాలని అందుకే వెళ్ళిపోతానని చెప్పింది. దీంతో మా మధ్య చిన్న డిస్టర్బన్స్ వచ్చింది. దాని వల్ల రెండు మూడు రోజులు మా మధ్య పెద్దగా మాటలు లేవు. కానీ నా సినిమా కాబట్టి నేనే మళ్లీ వెళ్లి మాట్లాడేశాను. ఇప్పుడు మేము బాగానే ఉన్నాము. తను వేరే సినిమా షూటింగ్ తో బిజీగా ఉండడం వల్ల ప్రమోషన్స్ కి రాలేకపోయింది కానీ మరేమీ లేదు” అని క్లారిటీ ఇచ్చారు అనిల్ రావిపూడి.
ఎఫ్.3 మూవీ ప్రమోషన్స్ కి తమన్నా..!
అయితే తాజాగా అనిల్ రావిపూడి చేసిన ప్రకటన పలువురిని ఆశ్చర్యానికి గురిచేస్తోంది. సినిమా విడుదలై రెండవ వారం కూడా పూర్తి కాబోతున్న నేపథ్యంలో ఇప్పడు తమన్నా ప్రమోషన్స్ లో పాల్గొంటుందని చెప్పడం పలువురిని ఆశ్చర్యానికి గురిచేస్తోంది. ఇప్పడు తమన్నా వచ్చి ప్రమోషన్స్ లో పాల్గొని ఏం లాభమని కామెంట్ లు చేస్తున్నారు. కొంత మందైతే భద్ర సినిమాలోని సునీల్ – రవితేజ ల మధ్య వచ్చే సన్నివేశంలో సునీల్ చెప్పిన డైలాగ్ ని గుర్తు చేసుకుంటున్నారు.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!