టాలీవుడ్ రౌడీ బాయ్ విజయ్ దేవరకొండ, డైనమిక్ డైరెక్టర్ పూరి జగన్నాథ్ కాంబినేషన్ లో రూపుదిద్దుకున్న చిత్రం `లైగర్`. బాక్సింగ్ బ్యాక్ డ్రాప్లో రూపుదిద్దుకున్న ఈ చిత్రాన్ని ధర్మా ప్రొడెక్షన్స్, పూరీ కనెక్ట్స్ బ్యానర్లపై కరణ్ జోహార్, ఛార్మీ కౌర్ నిర్మించారు. ఇందులో బాలీవుడ్ బ్యూటీ అనన్య పాండే హీరోయిన్ గా నటించింది.
ఆగస్టు 25న పాన్ ఇండియా స్థాయిలో రిలీజ్ అయిన ఈ చిత్రం.. ప్రేక్షకులను ఆకట్టుకోవడంలో విఫలం అయింది. కథాకథనంలో ఏ మాత్రం కొత్తదనం లేక, పూరి మార్క్ కనిపించకపోవడం, సాంగ్స్ను ఎక్కడ పడితే అక్కడ అతికించడం వంటి అంశాలు సినిమాకు మైనస్లు మారాయి.
ఇక టాక్ యావరేజ్గా ఉండటంతో.. కలెక్షన్స్ కూడా అంతంత మాత్రంగానే ఉన్నాయి. ముఖ్యంగా నాల్గొవ రోజు తెలుగు రాష్ట్రాల్లో ఈ మూవీ నామా మాత్రం కూడా ప్రభావం చూపలేకపోయింది. కేవలం రూ. 58 లక్షల రేంజ్ లో షేర్ ని మాత్రమే రాబట్టగలిగింది. అయితే హిందీ లో కొంచం బెటర్ గానే కలెక్షన్స్ ని సొంతం చేసుకోవడంతో ఓవరాల్ గా ఈ మూవీ 4వ రోజు రూ. 3.15 కోట్ల రేంజ్ లో షేర్ ను కొల్లగొట్టింది. ఇక వరల్డ్ వైడ్ గా లైగర్ నాలుగు రోజుల టోటల్ కలెక్షన్స్ ను ఓసారి గమనిస్తే..
నైజాం: 5.56 కోట్లు
సీడెడ్: 1.81 కోట్లు
ఉత్తరాంధ్ర: 1.71 కోట్లు
తూర్పు: 0.86 కోట్లు
పశ్చిమ: 0.55 కోట్లు
గుంటూరు: 0.99 కోట్లు
కృష్ణ: 0.68 కోట్లు
నెల్లూరు: 0. 53 కోట్లు
——————————–
ఏపీ+తెలంగాణ= 12.69కోట్లు(21.50 కోట్లు~ గ్రాస్)
——————————–
కర్ణాటక+రెస్టాఫ్ ఇండియా: 1.45 కోట్లు
ఇతర భాషలు: 0.75 కోట్లు
హిందీ: 6.25 కోట్లు
ఓవర్సీ: 3.30 కోట్లు
——————————————–
టోటల్ వరల్డ్ వైడ్ = 24.44 కోట్లు(50.55కోట్లు~ గ్రాస్)
——————————————–
కాగా, రూ. 90 కోట్ల బ్రేక్ ఈవెన్ టార్గెట్ తో బరిలోకి దిగిన ఈ చిత్రం.. నాలుగు రోజుల్లో రూ. 24.44 కోట్లను రాబట్టింది. ఈ మూవీ బాక్సాఫీస్ వద్ద క్లీన్ హిట్ అవ్వాలంటే.. ఇంకా రూ. 65.56 కోట్ల రేంజ్ లో షేర్ ని సొంతం చేసుకోవాల్సి ఉంటుంది. మరి ఇంత పెద్ద టార్గెట్ను విజయ్ అందుకుంటాడో..లేదో..చూడాలి.