డాషింగ్ డైరెక్టర్ పూరి జగన్నాథ్ దర్శకత్వంలో విజయ్ దేవరకొండ హీరోగా తెరకెక్కిన “లైగర్” ప్రమోషన్ కార్యక్రమాలు స్పీడు అందుకున్నాయి. ఆగస్టు 25వ తారీకు ఈ సినిమా విడుదల కానున్న నేపథ్యంలో వరుస పెట్టి ఇంటర్వ్యూలు ఇస్తున్నారు. మొన్నటి వరకు నార్త్ ఇండియాలో బిజీ బిజీగా గడిపిన సినిమా యూనిట్ ప్రస్తుతం సౌత్ ఫిలిం ఇండస్ట్రీలో “లైగర్” ప్రమోషన్ కార్యక్రమాలు.. చేస్తూ ఉన్నారు. ఇటువంటి తరుణంలో సోషల్ మీడియాలో #BoycottLigerMovie అనే హ్యాశ్ ట్యాగ్ తో సినిమా బాయికాట్ చేయాలంటూ కొంతమంది నెటిజన్ లు ట్వీట్ చేస్తున్నారు.
బాలీవుడ్ ఇండస్ట్రీకి చెందిన నిర్మాత కరణ్ జోహార్ “లైగర్” నీ నిర్మించడం జరిగిందని అదేవిధంగా అనన్య పాండే డ్రగ్ అడిక్ట్ అంటూ ట్వీట్లు చేస్తున్నారు. దీంతో #BoycottLigerMovie ట్విట్టర్ లో ట్రెండింగ్ లో వచ్చేసింది. ఇక ఇదే సమయంలో మరోపక్క విజయ్ దేవరకొండ అభిమానులు #UnstoppableLIGER అని ట్వీట్స్ చేస్తున్నారు. ఏది ఏమైనా వరుసపరాజయాలలో ఉన్న విజయ్ దేవరకొండ “లైగర్” తో మళ్లీ కం బ్యాక్ కావాలని అభిమానులు బలంగా కోరుకుంటున్నారు. అంతకుముందు వరుస పరాజయాలలో ఉన్న ఎనర్జిటిక్ హీరో రామ్ పోతినేనికి ఇస్మార్ట్ శంకర్ సినిమాతో పూరి జగన్నాథ్ మంచి హిట్ ఇవ్వటం జరిగింది.
ఇదే రీతిలో తమ అభిమాన హీరోకి మంచి హిట్ పూరి ఇస్తాడని భావిస్తున్నారు. ఫస్ట్ టైం పూరి జగన్నాథ్ పాన్ ఇండియా స్థాయిలో సినిమా చేయటంతో “లైగర్” రిజల్ట్ ఎలా ఉంటుందో అని ఇండస్ట్రీకి చెందిన వాళ్ళు ఆసక్తిగా గమనిస్తున్నారు. సినిమాలో ఇంటర్నేషనల్ బాక్సింగ్ ఛాంపియన్ మైక్ టైసన్ ఉండటంతో మరింత ఇంట్రెస్ట్ నెలకొంది.
