టాలీవుడ్ సూపర్ స్టార్ మహేష్ బాబు గురించి, ఆయనకు ఉన్న ఫాలోయింగ్ గురించి ప్రత్యేకంగా వివరించి చెప్పక్కర్లేదు. ఒక గొప్ప నటుడి గానే కాకుండా మంచి వ్యక్తిత్వంతో మరియు అందంతో ఎంతో క్రేజ్ సంపాదించుకున్నారు. సోష‌ల్ మీడియాలోనూ ఈయ‌నను ఫాలో అయ్యే వారి సంఖ్య భారీగా ఉంది. ఇందులో భాగంగా మహేష్ సౌత్ లోనే నెం.1 హీరోగా సరికొత్త రికార్డును సృష్టించారు.
అవును, తాజాగా మహేష్ తన ట్విట్టర్ ఖాతాలో 13 మిలియన్ల ఫాలోవర్స్ ని సంపాదించుకున్నాడు. సౌత్ మొత్తం మీద ట్విట్టర్ వేదికగా ఈ స్థాయిలో ఫాలోవర్స్ కలిగి ఉన్న ఏకైక హీరో మహేష్ బాబునే కావడం విశేషం. ఈ నేప‌థ్యంలోనే సౌత్ లో అత్యధిక ఫాలోవర్స్ ఉన్న టాప్ హీరోగా మహేష్ అరుదైన ఘనతను సాధించాడు.
దీంతో అది `మా మహేష్ అంటే..` అని అభిమానులు తెగ మురిసిపోతున్నారు. ఇక మహేష్ తర్వాత స్థానంలో ధనుష్(11.1 మిలియ‌న్లు), సూర్య(8.3 మిలియ‌న్లు) ఉన్నారు. కాగా, మహేష్ బాబు సినిమాల విషయానికి వస్తే ప్రస్తుతం ఈయన మాటలు మాంత్రికుడు త్రివిక్రమ్ శ్రీనివాస్ తో తన 28వ చిత్రాన్ని చేస్తున్నాడు.
ఇందులో టాలీవుడ్ బుట్ట‌బొమ్మ పూజ హెగ్డే హీరోయిన్గా నటిస్తోంది. ఈ మూవీ పూర్తయిన అనంతరం మహేష్ దర్శకధీరుడు రాజమౌళితో ఓ పాన్ ఇండియా చిత్రానికి శ్రీకారం చుట్ట‌బోతున్నాడు. ఈ ప్రాజెక్ట్ పై ఇప్పటికే అఫీషియల్ అనౌన్స్మెంట్ కూడా వచ్చింది.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!