విక్రమ్‌కు హార్ట్ ఎటాక్ కాదు.. అస‌లు విష‌యం బ‌య‌ట‌పెట్టిన మేనేజ‌ర్‌!

కోలీవుడ్ స్టార్ హీరో చియాన్ విక్రమ్ గుండె పోటుకు గుర‌య్యార‌న్న వార్త నేటి మ‌ధ్యాహ్నం ఇటు ప్ర‌ధాన మీడియాలోనూ, ఇటు సోష‌ల్ మీడియాలోనూ తెగ హ‌ల్ చ‌ల్ చేసిన సంగ‌తి తెలిసిందే. గుండె పోటు కార‌ణంగా చెన్నైలోని కావేరీ ఆసుప‌త్రికి త‌ర‌లించార‌ని, ప్రస్తుతం ఆయ‌న ఐసీయూలో చికిత్స పొందుతున్నార‌ని కూడా ప్ర‌చారం జ‌రిగింది.

దీంతో అభిమానులు, సినీ ప్రియులు తెగ కంగారు ప‌డిపోయారు. కానీ, నిజానికి విక్ర‌మ్‌కు హార్ట్ ఎటాక్ రాలేద‌ట‌. ఈ విష‌యాన్ని ఆయ‌న మేనేజ‌ర్ స్వ‌యంగా వెల్ల‌డించారు. `ప్రియమైన అభిమానులకు, శ్రేయోభిలాషులకు… చియాన్ విక్రమ్‌కు ఛాతిలో కొంచెం నలతగా అనిపించింది. అందుకు చికిత్స తీసుకుంటున్నారు.

ఆయనకు హార్ట్ ఎటాక్ రాలేదు. ఈ విష‌యంపై తప్పుడు ప్రచారం జరుగుతోంది. పుకార్లు మమ్మల్ని ఎంతగానో బాధించాయి. ఇప్పుడు ఆయన ఆరోగ్యం నిలకడగా ఉంది. ఒక్క రోజులో ఆస్పత్రి నుంచి డిశ్చార్చి అవుతారు. విక్రమ్, ఆయన ఫ్యామిలీకి ప్ర‌స్తుతం ప్రైవసీ ఎంతో అవ‌స‌రం. ఈ స్టేట్‌మెంట్‌తో అందరికీ క్లారిటీ వచ్చిందని ఆశిస్తున్నాను.

ఇంతటితో తప్పుడు ప్రచారానికి ఫుల్ స్టాప్ పెడతారని ఆకాంక్షిస్తున్నాను` అంటూ విక్రమ్ మేనేజర్ సూర్యనారాయణ ట్వీట్ చేశారు. మ‌రోవైపు కావేరీ హాస్ప‌ట‌ల్ యాజ‌మాన్యం సైతం ఇదే విష‌యాన్ని పేర్కొంటూ విక్ర‌మ్ హెల్త్ బులెటిన్‌ను బ‌య‌ట‌కు వ‌దిలింది. దీంతో ఆయ‌న అభిమానులు కాస్త ఊపిరి పీల్చుకుంటున్నారు.

Dear fans and wellwishers,
Chiyaan Vikram had mild chest discomfort and is being treated for the same. He DID NOT have a heart attack as reports falsely claim. We are pained to hear rumours to this effect.
That being said, we request you to give him 1/2

— Suryanarayanan M (@sooriaruna) July 8, 2022

and the family the privacy they need at this time. Our dear Chiyaan is fine now.
He is likely to be discharged from hospital in a day.
We hope this statement provides clarity and trust that the false rumours will be put to rest. 2/2

— Suryanarayanan M (@sooriaruna) July 8, 2022