భారీ సినీ బ్యాక్గ్రౌండ్, మంచి టాలెంట్ ఉన్న సక్సెస్ లేని హీరోల్లో మంచు విష్ణు ఒకరు. గత కొన్నేళ్ల నుంచి వరుస ప్లాపులతో సతమతం అవుతున్న మంచు విష్ణు.. తాజాగా `జిన్నా` అనే మూవీతో ప్రేక్షకులను పలకరించిన సంగతి తెలిసిందే. ఇందులో సన్నీ లియోన్, పాయల్ రాజ్పుత్ హీరోయిన్లు నటించారు.
ఇషాన్ సూర్య దర్శకత్వం వహించాడు. అవా ఎంటర్టైన్మెంట్, 24 ఫ్రేమ్స్ ఫ్యాక్టరీ బ్యానర్లపై మోహన్ బాబు మంచు స్వయంగా ఈ చిత్రాన్ని నిర్మించారు. దీపావళి కానుకగా అక్టోబర్ 21న విడుదలైన ఈ చిత్రానికి మంచి టాక్ వచ్చింది. దీంతో తొలిరోజు తన సినిమా అదిరిపోయే ఓపెనింగ్స్ను రాబడుతుందని భావించాడు.
కానీ ఏదో అనుకుంటే ఇంకేదో అయింది. తొలి రోజు ఈ చిత్రం దారుణమైన వసూళ్లను సొంతం చేసుకుంది. అసలు కొన్ని ఏరియాల్లో అయితే ప్రేక్షకులు లేక షోలను సైతం క్యాన్సిల్ చేయాల్సిన పరిస్థితి ఏర్పడింది. తొలి రోజు తెలుగు రాష్ట్రాల్లో రూ. 14 లక్షల రేంజ్ లో షేర్ను రాబట్టిన ఈ చిత్రం.. వరల్డ్ వైడ్గా రూ. 19 లక్షలతో సరిపెట్టుకుంది.
నైజాం- 5 లక్షలు
సీడెడ్- 2 లక్షలు
ఆంధ్ర(టోటల్)- 7 లక్షలు
———————————-
ఏపీ + తెలంగాణ = 14 లక్షలు
———————————-
రెస్ట్ ఆఫ్ ఇండియా + ఓవర్సీస్- 5 లక్షలు
—————————————–
వరల్డ్ వైడ్ టోటల్ = 19 లక్షలు
—————————————–
కాగా, ఈ చిత్రానికి రూ. 4.35 కోట్ల రేంజ్ లో థియేటర్ బిజినెస్ జరిగింది. రూ 4.6 కోట్ల బ్రేక్ ఈవెన్ టార్గెట్తో బరిలోకి దిగిన ఈ చిత్రం.. మొదటి రోజు వచ్చిన కలెక్షన్స్ కాకుండా ఇంకా రూ. 4.47 కోట్ల రేంజ్ లో షేర్ ను రాబట్టాల్సి ఉంటుంది. మరి తొలి రోజు తీవ్రంగా నిరాశ పరిచిన ఈ చిత్రం ఇక ముందైనా బాక్సాఫీస్ వద్ద కలెక్షన్ల పరంగా ఊపందుకుంటుందేమో చూడాలి.