MCA Remake: ఒక భాషలో హిట్ అయిన చిత్రాలను మరో భాషలో రీమేక్ చేయడం సర్వ సాధారణమైపోయింది. ఇలా బాలీవుడ్లో తెరకెక్కిన చిత్రమే `నికమ్మ`. న్యాచురల్ స్టార్ నాని హీరోగా వేణు శ్రీరామ్ దర్శకత్వంలో రూపుదిద్దుకున్న ఎంసీఏ (మిడిల్ క్లాస్ అబ్బాయి) చిత్రం గుర్తుండే ఉంటుంది. ఇందులో సాయి పల్లవి హీరోయిన్గా నటిస్తే.. భూమిక కీలక పాత్రలను పోషించింది.
శ్రీ వెంకటేశ్వర క్రియేషన్స్ బ్యానర్పై నిర్మితమైన ఈ చిత్రం 2017 డిసెంబరు 21లో విడుదలై.. మంచి విజయం సాధించింది. ఈ మూవీకి రీమేక్గా రూపుదిద్దకున్న చిత్రమే `నికమ్మ`. ఈ మూవీలో నాని పాత్రను అభిమన్యు దాసానీ పోషిస్తే.. సాయిపల్లవి పాత్రలో షిర్లే సెటియా, భూమిక పాత్రలో శిల్పా శెట్టి నటించారు.
- Read the latest news from NEWSORBIT
- Follow us on facebook , Twitter , instagram and Googlenews
సబ్బీర్ ఖాన్ దర్శకత్వంలో రూపుదిద్దుకున్న ఈ మూవీ శుక్రవారం గ్రాండ్ గా రిలీజై.. బాక్సాఫీస్ వద్ద ఘోరంగా బోల్తా పడింది. ఫస్ట్ షో నుంచే ఫ్లాప్ టాక్ను మూటగట్టుకున్న ఈ చిత్రం.. తొలి రోజు వరల్డ్ వైడ్గా రూ. 25 లక్షలు వసూల్ చేసి సరిపెట్టుకుంది. ముందు ముందు కూడా పుంజుకుని మంచి కలెక్షన్స్ను రాబట్టే అవకాశాలు కనిపించడం లేదు.
ఈ రీమేక్ మూవీతో నిర్మాతలకు, బయ్యర్లకు భారీ నష్టాలు తప్పేలా కనిపించడం లేదు. అసలే గత కొంత కాలం నుంచీ బాలీవుడ్ మార్కెట్ అంతంత మాత్రంగా ఉంది. ఇలాంటి తరుణంలో ఈ మూవీ వచ్చి బాలీవుడ్కు మరో పెద్ద దెబ్బ పడేలా చేస్తుంది.