పాన్ ఇండియా స్టార్ ప్రభాస్ ప్రస్తుతం పెద్ద పెద్ద డైరెక్టర్ తో బ్యాక్ టు బ్యాక్ చిత్రాలు చేస్తున్న సంగతి తెలిసిందే. అయితే ఇలాంటి సమయంలో ప్రముఖ టాలీవుడ్ డైరెక్టర్ మారుతితో సినిమా చేయడానికి ప్రభాస్ గ్రీన్ సిగ్నల్ ఇవ్వడం ప్రత్యేకతను సంతరించుకుంది.
పీపుల్ మీడియా ఫ్యాక్టరీ, యూవీ క్రియేషన్స్ బ్యానర్లపై నిర్మితం కానున్న ఈ చిత్రానికి `రాజా డీలక్స్` అనే టైటిల్ను కన్ఫామ్ చేసినట్లు టాక్ నడుస్తోంది. ఈ సినిమాలో ముగ్గురు హీరోయిన్లు ఉండబోతున్నారట. వారిలో ఇప్పటికే మాళవిక మోహనన్, నిధి అగర్వాల్ను ఎంపిక చేశారని అంటున్నారు.
అలాగే క్రైమ్ కామెడీ నేపథ్యంలో ఈ సినిమాను తెరకెక్కించనున్నారని.. ఇందులో తాతమనవళ్లుగా ప్రభాస్ ద్విపాత్రాభినయం చేస్తున్నాడని ప్రచారం జరుగుతోంది. ఇక ఇలా రోజుకో అప్డేట్ వైరల్ అవుతున్నా.. ఇప్పటివరకు ఈ ప్రాజెక్ట్ పై అఫీషియల్ అనౌన్స్మెంట్ రాలేదు.
అయితే ఈ మోస్ట్ అవైటెడ్ అప్డేట్ బయటకు వదిలేందుకు మేకర్స్ డేట్ లాక్ చేశారట. ప్రభాస్ బర్తడే అయినా సెప్టెంబర్ 23న ఈ అప్డేట్ రావడం పక్కా అని అంటున్నారు. ఆ రోజు ఈ సినిమాకు సంబంధించిన టైటిల్ పోస్టర్ ను బయటకు వదలనున్నారని జోరుగా వార్తలు వస్తున్నాయి.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!