`ల‌వ్ స్టోరీ`, `బంగార్రాజు` వంటి హిట్స్ త‌ర్వాత అక్కినేని నాగ‌చైత‌న్య నుండి వ‌చ్చిన చిత్రం `థ్యాంక్యూ`. విక్ర‌మ్ కె. కుమార్ ద‌ర్శ‌క‌త్వం వ‌హించిన ఈ చిత్రంలో రాశీ ఖన్నా, మాళవికా నాయర్, అవికా గోర్ హీరోయిన్లుగా న‌టిస్తే.. ప్రకాష్ రాజ్, సంపత్, సాయి సుశాంత్ రెడ్డి తదితరులు కీల‌క పాత్ర‌ల‌ను పోషించారు.
ఈ ఫీల్ గుడ్ ఎంట‌ర్టైన‌ర్ మంచి విజ‌యం సాధిస్తుంది, చైతు హ్యాట్రిక్ హిట్స్‌ను ఖాతాలో వేసుకుంటాడ‌ని అక్కినేని అభిమానులు భావించారు. కానీ, అలా జ‌ర‌గ‌లేదు. జూలై 22న విడుద‌లైన ఈ చిత్రం.. బిగ్ డిజాస్ట‌ర్‌గా మారింది. అయితే ఫ్లాప్ మూవీకి తాజాగా చైతు స్పందిస్తూ.. షాకింగ్ కామెంట్స్ చేశారు. పూర్తి వివ‌రాల్లోకి వెళ్తే.. నాగ చైత‌న్య త్వ‌ర‌లోనే బాలీవుడ్ లోకి ఎంట్రీ ఇవ్వ‌బోతున్న సంగ‌తి తెలిసిందే.
థ్యాంక్యూ` 3 డేస్ క‌లెక్ష‌న్స్‌.. ఇక చైతూను ఎవ‌రూ కాపాడ‌లేరు!
బాలీవుడ్ మిస్టర్ పర్ఫెక్షనిస్ట్ అమీర్ ఖాన్ తో క‌లిసి నాగ‌చైత‌న్య `లాల్ సింగ్ చడ్డా` అనే మూవీ చేశాడు. అద్వైత్ చంద‌న్ ద‌ర్శ‌క‌త్వం వ‌హించిన ఈ చిత్రంలో కరీనా కపూర్ హీరోయిన్‌గా న‌టించింది. ఆగ‌స్టు 11న పాన్ ఇండియా లెవ‌ల్లో విడుద‌ల కానుంది. అయితే ఈ మూవీ ప్ర‌మోష‌న్స్‌లో భాగంగా చైతు తాజాగా ఓ ఇంట‌ర్వ్యూలో పాల్గొన్నారు.
ఈ ఇంట‌ర్వ్యూలో `థ్యాంక్యూ` ఫ్లాప్‌పై స్పందిస్తూ.. `నిజంగా చెప్పాలంటే ఇది షాకింగ్‌గా మరియు భయానకంగా అనిపించింది. లాల్ సింగ్ చడ్డా కారణంగా.. థ్యాంక్యూ ఫ‌లితం నుండి త్వ‌ర‌గానే బ‌య‌ట‌ప‌డ‌గ‌లను. కానీ నేను చూసినంత వరకు, రచనలోనూ కొన్ని లోపాలు ఉన్నాయి. అందుకే థ్యాంక్యూ రిజ‌ల్ట్ విష‌యంలో ఇలా జ‌రిగింది` అంటూ చెప్పుకొచ్చారు.
