యువ సామ్రాట్ అక్కినేని నాగచైతన్య గతం గురించి అందరికీ తెలిసిందే. ప్రముఖ స్టార్ హీరోయిన్ సమంతను ప్రేమించిన చైతు.. పెద్దల అంగీకారంతో 2017లో ఆమెను వివాహం చేసుకున్నాడు. గోవాలో అంగరంగ వైభవంగా సామ్, చైతూల పెళ్లి జరిగింది. కానీ, నాలుగేళ్లు గడవక ముందే వీరిద్దరూ విడిపోయి అందరికీ షాక్ ఇచ్చారు. విడాకుల అనంతరం చైతు, సామ్లు కెరీర్పైనే ఫోకస్ పెట్టి.. వరుస ప్రాజెక్ట్స్తో దూసుకుపోతున్నారు. ఇటీవలె చైతు `థ్యాంక్యూ` మూవీతో వచ్చాడు. కానీ, ఈ చిత్రం బాక్సాఫీస్ వద్ద ఘోరంగా బోల్తా పడింది. అయితే ఇప్పుడీయన పాన్ ఇండియా స్థాయిలో ప్రేక్షకులను పలకరించేందుకు సిద్ధం అవుతున్నాడు.
ఆమీర్ ఖాన్ హీరోగా, యువ సామ్రాట్ నాగచైతన్య ప్రధాన పాత్రలో తెరకెక్కిన హిందీ చిత్రం `లాల్ సింగ్ చద్దా`. అద్వైత్ చందన్ డైరెక్షన్లో రూపుదిద్దుకున్న ఈ చిత్రం ఆగస్టు 11న హిందీ, తెలుగు, తమిళ్, కన్నడ, మలయాళ భాషల్లో విడుదల కాబోతోంది. దీంతో ప్రమోషన్స్ షురూ చేశారు. ఈ క్రమంలో నాగచైతన్య తాజాగా ఓ ఇంటర్వ్యూలో పాల్గొన్నాడు.
ఈ ఇంటర్వ్యూలో `మళ్లీ మీరు ప్రేమలో పడతారు..? అందుకు సిద్ధంగా ఉన్నారా?` అనే ఆసక్తికర ప్రశ్న ఎదురైంది. అందుకు చైతు `ఏమో! ఎవరికి తెలుసు. ఏదైనా జరగొచ్చు` అంటూ క్రేజీ ఆన్సర్ ఇచ్చాడు. అంతేకాదు, ‘ప్రేమ అనేది మనిషి జీవితంలో చాలా ముఖ్యమైన పాత్ర పోషిస్తుంది. ప్రేమే మనల్ని ముందుకు నడిపిస్తుంది. మనం ప్రేమించాలి. ప్రేమను స్వీకరించాలి. అప్పుడే మన జీవితం ఆరోగ్యవంతంగా.. సానూకూలంగా సాగుతుంది` అని చెప్పుకొచ్చాడు. దాంతో చైతు కామెంట్స్ కాస్త నెట్టింట వైరల్గా మారాయి.