Naga Panchami: స్టార్ మాలో సరికొత్త సీరియల్ నేటి నుంచి ప్రసారం కానుంది.. ఆ సీరియల్ పేరు నాగ పంచమి.. తాజాగా ఈ కొత్త సీరియల్ ఎప్పుడు ప్రారంభం కాబోతోంది ట్విటర్ ద్వారా అనౌన్స్ చేసిందీ ఛానెల్. పంచమి అని స్టార్ జల్సాలో వచ్చే బెంగాలీ సీరియల్ కు ఇది రీమేక్. ఈ కొత్త సీరియల్ ప్రతిరోజూ రాత్రి 8 స్లాట్ లో ప్రసారం కానుంది..
నాగపంచమి ప్రోమో కొన్ని రోజులుగా కూడా వస్తోంది. ఈ కొత్త సీరియల్ లో దర్శిని గౌడ, పృథ్వీ ప్రిన్స్ శెట్టి కీలక పాత్రలు పోషిస్తున్నారు. ఇక ప్రియాంకా శివన్న, మేక రామకృష్ణ లీడ్ రోల్స్ లో నటిస్తున్నారు. అన్నపూర్ణ స్టూడియోస్ ఈ కొత్త సీరియల్ ను ప్రొడ్యూస్ చేసింది.
నాగ పంచమి సీరియల్ స్టార్ మాలో టెలికాస్ట్ కానుంది. ఈ సీరియల్ వచ్చే సోమవారం (మార్చి 27) నుంచి ప్రారంభం కానుంది. సోమవారం నుంచి శనివారం వరకూ ప్రతి రోజూ రాత్రి 8 నుంచి 8.30 వరకు ప్రసారం కానున్నట్లు స్టార్ మా వెల్లడించింది. ఈ సీరియల్ ను స్టార్ మాతోపాటు హాట్స్టార్ ఓటీటీలోనూ చూడొచ్చు. అంతేకాదు హాట్ స్టార్ లో డౌన్లోడ్ చేసుకునే అవకాశం కూడా ఉంటుంది.
పగను మరచి ప్రేమను పంచే ఓ అమ్మాయి కథే ఈ నాగ పంచమి అంటూ సీరియల్ లోని లీడ్ క్యారెక్టర్స్ ను పరిచయం చేశారు. పాములను చంపకుండా కాపాడే పాత్రలో హీరోయిన్.. అదే పాముల విషం నుంచి విరుగుడు తయారు చేసి వాటిని చంపేసే పాత్రలో హీరో కనిపిస్తాడు. విరుద్ధమైన మనస్తత్వాలు ఉన్న ఈ ఇద్దరి మధ్య పరిచయం, ప్రేమ ఎలా ఏర్పడతాయన్నదే నాగ పంచమి సీరియల్.. ఇక ఈ సీరియల్ కు బుల్లి తెర ప్రేక్షకులు ఏవిధంగా ఆదరిస్తారో చూడాలి. ఇంటింటి గృహలక్ష్మి టైం స్లాట్ లో ఈ సీరియల్ ప్రసారం కానుంది.
ఇంటింటి గృహలక్ష్మి సీరియల్ 8 స్లాట్ లో ప్రసారమవుతుంది. సుమారు 900 కు పైగా ఎపిసోడ్లను పూర్తిచేసుకుంది. ఈ సీరియల్ కి చక్కటి టిఆర్పి రేటింగ్ కూడా సొంతం చేస్తుంది. కాకపోతే ఈ సీరియల్ స్లాట్ లోనే నాగ పంచమి సీరియల్ కానుంది. ఇంటింటి గృహలక్ష్మిని పక్కకి నెట్టేసి నాగపంచమి పర్ఫెక్ట్ టైమ్ స్లాట్ ను సొంతం చేసుకుంది.
Shobha Shetty: ఆ పార్ట్స్ చూపిస్తూ రోడ్ ఎక్కిన శోభా శెట్టి.. ఘోరంగా ట్రోల్స్..!