టాలీవుడ్ కింగ్ నాగార్జున హీరోగా ప్రవీన్ సత్తారు దర్శకత్వంలో రూపుదిద్దుకున్న తాజా చిత్రం `ది ఘోస్ట్`. శ్రీ వెంకటేశ్వర సినిమాస్ ఎల్ఎల్పి, నార్త్ స్టార్ ఎంటర్టైన్మెంట్ బ్యానర్లపై నారాయణ్ దాస్ నారంగ్, సునీల్ నారంగ్, పుస్కుర్ రామ్ మోహన్ రావు, శరత్ మరార్ సంయుక్తంగా ఈ చిత్రాన్ని నిర్మించారు.
ఇందులో బాలీవుడ్ బ్యూటీ సోనాల్ చౌహాన్ హీరోయిన్గా నటిస్తే.. బాలీవుడ్ నటి గుల్ పనాగ్, అనిఖా సురేంద్ర తదితరులు కీలక పాత్రలను పోషించారు. దసరా పండుగ కానుకగా అక్టోబర్ 5న ఈ చిత్రం విడుదల కాబోతోంది. అయితే ప్రచార కార్యక్రమాల్లో భాగంగా నాగార్జున తాజాగా ఓ ఇంటర్వ్యూలో పాల్గొన్నారు.
ఈ సందర్భంగా ఓ రిపోర్టర్ ఆయన్ను `సినిమాల్లో మీకు గర్ల్స్ తో రొమాన్స్ చేయడం ఇష్టమా..? లేక గన్ తో ఫైరింగ్ చేయడం ఇష్టమా..?` అంటూ ప్రశ్నించాడు. అందుకు కాసేపు నవ్వుకున్న నాగ్.. ఆ వెంటనే `ఒక చేతిలో అమ్మాయి, ఇంకో చేతిలో గన్ ఉంటే నాకు ఇష్టం` అంటూ బోల్డ్ ఆన్సర్ ఇచ్చారు.
మొత్తానికి రొమాన్స్, ఫైరింగ్ రెండు ఇష్టమే అని నాగ్ చెప్పకనే చెప్పడంతో.. ఆయన ఆన్సర్ నెట్టింట వైరల్గా మారింది. కాగా, సిస్టర్ సెంటిమెంట్ నేపథ్యంలో హై ఓల్టేజ్ యాక్షన్ థ్రిల్లర్గా `ది ఘోస్ట్`ను రూపొందించారు. అలాగే ఇందులో నాగార్జున-సోనాల్ మధ్య అదిరిపోయే రొమాంటిక్ ట్రాక్ కూడా ఉండబోతోంది. ఇప్పటికే బయటకు వచ్చిన సాంగ్స్, పోస్టర్స్ ఈ విషయాన్ని కన్ఫామ్ చేశాయి.