టాలీవుడ్ కింగ్ నాగార్జున హీరోగా ప్రవీణ్ సత్తారు దర్శకత్వంలో రూపుదిద్దుకున్న చిత్రం `ది ఘోస్ట్`. శ్రీ వెంకటేశ్వర సినిమాస్ ఎల్ ఎల్ పీ, నార్త్ స్టార్ ఎంటర్టైన్మెంట్స్ బ్యానర్లపై పుస్కూర్ రామ్మోహనరావు, శరత్ మరార్, సునీల్ నారంగ్ సంయుక్తంగా ఈ మూవీని నిర్మించారు. ఇందులో బాలీవుడ్ బ్యూటీ సోనాల్ చౌహాన్ హీరోయిన్గా నటించింది.
బాలీవుడ్ నటి గుల్ పనాగ్, అనిఖా సురేంద్ర తదితరులు కీలక పాత్రలను పోషించారు. దసరా పండగ కానుకగా అక్టోబర్ 5న ఈ చిత్రం విడుదల కాబోతోంది. ఈ నేపథ్యంలోనే మేకర్స్ జోరుగా ప్రచార కార్యక్రమాలను నిర్వహిస్తూ.. సినిమాపై మంచి హైప్ను క్రియేట్ చేస్తున్నారు.
ఇకపోతే తాజాగా ఈ సినిమా సెన్సార్ పనులను కంప్లీట్ చేసుకుంది. సెన్సార్ బోర్డు సభ్యులు ఈ మూవీకి యు/ఏ సర్టిఫికెట్ జారీ చేశారు. ఈ విషయాన్ని మేకర్స్ ఓ అధికారిక పోస్టర్ ద్వారా వెల్లడించారు. సెన్సార్ సభ్యుల నుంచి ఈ సినిమాకు మంచి స్పందన లభించిందని.. నాగార్జున నటనపై సౌతం ప్రశంసలు కురిపించారని తెలుస్తోంది.
మొత్తానికి సెన్సార్ సభ్యులను బాగానే అలరించిన `ది ఘోస్ట్`.. ప్రేక్షకులను ఏ మేరకు ఆకట్టుకుంటుందో చూడాలి. కాగా, సిస్టర్ సెంటిమెంట్ నేపథ్యంలో హై ఓల్టేజ్ యాక్షన్ థ్రిల్లర్గా రూపుదిద్దుకున్న ఈ చిత్రానికి భరత్ సౌరభ్ సంగీతాన్ని అందించారు. అలాగే మార్క్ కె రాబిన్ బ్యాక్ గ్రౌండ్ స్కోర్ ని కంపోజ్ చేశారు.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!