Nayanthara: సౌత్లో లేడీ సూపర్ స్టార్గా గుర్తింపు సంపాదించుకున్న నయనతార ఇటీవల కోలీవుడ్ దర్శకనిర్మాత విఘ్నేశ్ శివన్తో ఏడడుగులు నడిచి వైవాహిక జీవితంలోకి అడుగు పెట్టిన సంగతి తెలిసిందే. దాదాపు ఏడేళ్లుగా ప్రేమించుకుంటున్న నయన్-విఘ్నేశ్లు తమిళనాడులోని మహాబలిపురం షెరటాన్ హోటల్ లో జూన్ 9న వైభవంగా వివాహం చేసుకున్నారు.
కుటుంబసభ్యులు, సన్నిహితులతో పాటు కోలీవుడ్, బాలీవుడ్ సినీ ప్రముఖులు సైతం వీరి పెళ్లిలో సందడి చేశారు. ఇక చాలా మంది హీరోయిన్లు పెళ్లి తర్వాత నటనకు స్వస్థి చెప్పారు. నయనతార విషయంలోనూ ఇలాంటి వార్తలు వచ్చాయి. కానీ, ఆమె మాత్రం సినిమాలను వదిలేసే ఆలోచనలోనే లేదట.
- Read the latest news from NEWSORBIT
- Follow us on facebook , Twitter , instagram and Googlenews
ఓవైపు కెరీర్ను, మరోవైపు ఫ్యామిలీ లైఫ్ను బ్యాలెన్స్ చేసుకుంటూ ముందుకు సాగాలని నిశ్చయించుకుందట. కానీ, ఇకపై నయన్ ఏదైనా సినిమాకు సైన్ చేయాలంటే దర్శకనిర్మాతలకు చుక్కలు కనిపించడం ఖాయమని అంటున్నారు. ఎందుకంటే, ప్రాజెక్ట్పై సంతకం పెట్టాలంటే నయన్ కొత్త కండీషన్స్ పెడుతోందట.
ఇకనుంచీ గ్లామర్ రోల్స్, రొమాంటిక్ సీన్స్ లో నటించదట. తన పాత్రకు మంచి ప్రాధాన్యత ఉండాలట. బికినీలు, షార్ట్ డ్రెస్లు వేయనే వేయదట. ఏ సినిమాకైనా చాలా లిమిటెడ్గా డేట్స్ ఇస్తుందట. తన రెమ్యునరేషన్లో ఒక్క రూపాయి కూడా తగ్గించుకోదట. అలాగే సినిమా ప్రమోషన్స్ కు దూరంగా ఉంటుందట. ఈ కండీషన్స్కు ఒప్పుకుంటేనే సినిమాకు సైన్ చేస్తానని నయన్ చెబుతున్నట్లు ప్రచారం జరుగుతోంది. మరి ఈ ప్రచారం ఎంత వరకు నిజమో తెలియాల్సి ఉంది.