నటసింహం నందమూరి బాలకృష్ణ ప్రస్తుతం గోపీచంద్ మలినేని తో ఓ సినిమా చేస్తున్న సంగతి తెలిసిందే. `అఖండ` వంటి బ్లాక్ బస్టర్ హిట్ అనంతరం బాలయ్య చేస్తున్న మూవీ ఇది. `ఎన్బీకే 107` వర్కింగ్ టైటిల్ తో రూపుదిద్దుకుంటున్న ఈ చిత్రాన్ని మైత్రి మూవీ మేకర్స్ వారు నిర్మిస్తున్నారు.
ఇందులో శృతి హాసన్ హీరోయిన్ గా నటిస్తోంది. అలాగే కన్నడ నటుడు దునియా విజయ్ విలన్ గా చేస్తుంటే.. వరలక్ష్మి శరత్ కుమార్ కీలక పాత్రను పోషిస్తోంది. మాస్ యాక్షన్ ఎంటర్టైనర్గా తెరకెక్కుతోన్న ఈ చిత్రం ఇప్పటికే డబ్బై శాతానికి పైగా షూటింగ్ కంప్లీట్ చేసుకుంది. మిగిలిన భాగాన్ని కూడా త్వరత్వరగా కంప్లీట్ చేసి డిసెంబర్ లో లేదా వచ్చే ఏడాది సంక్రాంతి కానుకగా ఈ సినిమాను విడుదల చేయాలని మేకర్స్ సన్నాహాలు చేస్తున్నారు.
ఇకపోతే తాజాగా ఈ సినిమాకు సంబంధించి బాలయ్య ఫ్యాన్స్ ను కృషి చేసే ఒక గుడ్ న్యూస్ బయటకు వచ్చింది. ఆ న్యూస్ మరేంటో కాదు `ఎన్బీకే 107` టైటిల్ అప్డేట్. త్వరలోనే ఈ సినిమా టైటిల్ ను మేకర్స్ అధికారికంగా ప్రకటించబోతున్నారట. అందుకు ముహూర్తం కూడా పెట్టేశారట.
దసరా పండుగ కానుకగా అక్టోబర్ 5న ఈ సినిమా టైటిల్ ను అఫీషియల్ గా ఎనౌన్స్ చేయనున్నారని తాజాగా ఓ న్యూస్ బయటకు వచ్చి నెట్టింట వైరల్ గా మారింది. దీంతో బాలయ్య ఫ్యాన్స్ ఫుల్ ఖుషి అయిపోతున్నారు. కాగా ఈ చిత్రానికి `జై బాలయ్య`, `అన్నగారు` తదితర టైటిల్స్ తెరపైకి వచ్చాయి. మరి మేకర్ ఏ టైటిల్ ను ఖరారు చేస్తారో చూడాల్సి ఉంది.