Allu Arjun: ఐకాన్ స్టార్ అల్లు అర్జున్ క్రేజ్ గురించి ప్ర‌త్యేకంగా వివ‌రించి చెప్పాల్సిన అవ‌స‌రం లేదు. `పుష్ప` తర్వాత ఆ క్రేజ్ మ‌రింత పెరిపోయింది. క్రియేటివ్ డైరెక్ట‌ర్ సుకుమార్ రూపొందించిన ఈ చిత్రంలో ర‌ష్మిక మంద‌న్నా హీరోయిన్‌గా న‌టించ‌గా.. మ‌ల‌యాళ స్టార్ ఫహాద్‌ ఫాజిల్, సునీల్ విల‌న్లుగా న‌టిస్తున్నారు.
మైత్రీ మూవీ మేకర్స్‌, ముత్తంశెట్టి మీడియా బ్యాన‌ర్ల‌పై నవీన్ యెర్నేని, వై. రవి శంకర్ నిర్మిస్తున్న ఈ మాస్ యాక్షన్ ఎంట‌ర్టైన‌ర్‌.. రెండు భాగాలుగా రాబోతోంది. అయితే మొద‌టి భాగాన్ని `పుష్ప ది రైస్‌` టైటిల్‌తో గ‌త ఏడాది డిసెంబ‌ర్ 17న తెలుగుతో పాటు తమిళ్, క‌న్న‌డ, మ‌ల‌యాళ, హిందీ భాష‌ల్లో విడుద‌ల చేశారు.
- Read the latest news from NEWSORBIT
- Follow us on facebook , Twitter , instagram and Googlenews
విడుద‌లైన అన్ని భాష‌ల్లోనూ ఈ మూవీ భారీ క‌లెక్ష‌న్స్ రాబ‌ట్టి.. బ్లాక్ బ‌స్ట‌ర్ హిట్‌గా నిలిచింది. పుష్ప‌రాజ్‌గా అల్లు అర్జున్ ప్రతి ఒక్కరిని ఆకట్టుకున్నాడు. త‌న‌దైన లుక్స్‌, మ్యాన‌రిజ‌మ్స్‌, డైలాగ్స్‌తో దేశ‌విదేశాల ప్ర‌జ‌ల‌ను విప‌రీతంగా అల‌రించాడు. ఇకప్ర‌స్తుతం సుకుమార్, బ‌న్నీలు పార్ట్ 2 అయిన `పుష్ప ది రూల్‌` కోసం సిద్ధం అవుతున్నారు. జూలై లేదా ఆగ‌స్టు నెల నుంచీ ఈ మూవీ రెగ్యుల‌ర్ షూటింగ్ స్టార్ట్ కాబోతోంది.
అయితే తాజాగా `పుష్ప 2`కు సంబంధించి బ‌న్నీ లుక్ లీకైంది. మానవ్‌ మంగ్లాని అనే బాలీవుడ్‌ ఫొట్రోగాఫర్‌ పుష్ప 2కు సంబంధించిన అల్లు అర్జున్ లుక్‌ను తన ఇన్‌స్టాగ్రామ్‌లో షేర్ చేశాడు. అందులో బ‌న్నీ కాస్త బొద్దుగా క‌నిపిస్తున్నారు. దాంతో నెటిజ‌న్లు ఆయ‌న్ను విప‌రీతంగా ట్రోల్ చేస్తున్నారు. `వడా పావ్`, `బాగా లావెక్కాడు`, `అస‌లు ఆయ‌న బ‌న్నీనేనా..?` అంటూ ట్రోల్స్ చేస్తున్నారు.
https://www.instagram.com/p/CfLP91jNAz2/?utm_source=ig_web_copy_link
