`గంగూబాయి కతియావాడి`.. బాలీవుడ్ స్టార్ హీరోయిన్ అలియా భట్ ప్రధాన పాత్రలో రూపుదిద్దుకున్న ఈ చిత్రం పాన్ ఇండియా స్థాయిలో విడుదలై మంచి విజయం సాధించిన సంగతి తెలిసిందే. సంజయ్ లీలా భన్సాలీ తెరకెక్కించిన ఈ చిత్రంలో గంగూబాయిగా అలియా భట్ నటన పరంగానే కాదు, లుక్స్ పరంగానూ విమర్శకుల నుంచి ప్రశంసలు అందుకుంది.
అయితే తాజాగా మెగా డాటర్ నిహారిక కొణిదెల గంగూబాయిగా దర్శనమిచ్చింది. వైట్ అండ్ వైట్ చీరకట్టులో బ్లాక్ గాగుల్స్ పెట్టుకుని అచ్చు అలియా భట్ మాదిరిగానే తయారైంది. ఇందుకు సంబంధించిన ఫోటోలు, వీడియోను తన ఇన్స్టాగ్రామ్ ద్వారా పంచుకోగా.. వాటికి మంచి స్పందన లభిస్తోంది.
ఆదివారం రాత్రి తన ఫ్రెండ్, యాంకర్ నిఖిల్ బర్త్డే వేడుకలకు నిహారిక హాజరైంది. బర్త్ డే ఈవెంట్లో మూవీ థీమ్ను ప్లాన్ చేశారు. ఇందులో భాగంగానే నిహారికకు గంగూభాయ్ థీమ్ రావడంతో.. ఆమె సేమ్ టు సేమ్ అలియా భట్ను దించేసింది.
కాగా, యాంకర్ గా కెరీర్ స్టార్ట్ చేసిన నిహారిక.. `ఒక మనసు`, `హ్యపి వెడ్డింగ్`, `సూర్యకాంతం` చిత్రాలతో హీరోయిన్గా అదృష్టాన్ని పరీక్షించుకుంది. కానీ, ఆమె సక్సెస్ కాలేకపోయింది. ఇక 2020లో జొన్నలగడ్డ కృష్ణచైతన్యను వివాహం చేసుకున్న నిహారిక.. ప్రస్తుతం నిర్మాతగా పలు వెబ్ సిరీస్లను నిర్మిస్తోంది.
.@IamNiharikaK as #Gangubai 🙏 Yes, please ✨#NiharikaKonidela #Niharika #Tollywood #TollywoodActress #AliaBhatt pic.twitter.com/bCoM6s50c1
— Hyderabad Times (@HydTimes) September 19, 2022