నిత్యా మీనన్.. ఈ అందాల భామ గురించి ప్రత్యేకమైన పరిచయాలు అవసరం లేదు. తన సహజ నటనతో తక్కువ సమయంలోనే తనకంటూ స్పెషల్ ఇమేజ్ను క్రియేట్ చేసుకున్న ఈ మలయాళ ముద్దుగుమ్మ.. తెలుగు, మలయాళంతో పాటు కన్నడ, తమిళ భాషల్లోనూ నటిస్తోంది.
కెరీర్ విషయం పక్కన పెడితే.. ఈ మధ్య నిత్యా మీనన్ పెళ్లి పీటలెక్కబోతోందంటూ జోరుగా వార్తలు వచ్చిన సంగతి తెలిసిందే. ఇవి కేవలం పుకార్లే అని నిత్యా మీనన్ తేల్చేసింది. అయినా సరే ఆ వార్తలు ట్రెండ్ అవుతూనే ఉన్నాయి. అయితే తాజాగా నిత్యా మీనన్ ఓ తమిళ మ్యాగజైన్ కు ఇంటర్వ్యూ ఇచ్చింది. ఆ సందర్భంగా ఆమె తన పెళ్లిపై ఆసక్తికర వ్యాఖ్యలు చేసింది.
అలాగే ఓ స్టార్ హీరో పెళ్లి చేసుకోమని తరచూ అడిగేవాడంటూ కూడా నిత్యా మీనన్ సీక్రెట్ను బయట పెట్టింది. ఇంతకీ ఆ స్టార్ హీరో మరెవరో కాదు దుల్కర్ సల్మాన్. నిత్యా మీనన్ మాట్లాడుతూ.. `దుల్కర్ నాకు మంచి ఫ్రెండ్. అందుకే పెళ్లి చేసుకొని ఫ్యామిలీతో సంతోషంగా ఉండమని నాకు చెబుతుంటాడు.
అతడు కుటుంబంపై పూర్తిగా అవగాహన ఉన్న వ్యక్తి. పెళ్లి చేసుకుని ఎంత సంతోషంగా ఉన్నాడో చెప్పేవాడు. నన్ను కూడా పెళ్లిచేసుకోమని అడిగేవాడు. అయితే ప్రస్తుతానికి నాకు పెళ్లి ఆలోచన లేదు కానీ భవిష్యత్తులో చేసుకుంటానేమో తెలీదు` అంటూ చెప్పుకొచ్చింది. ఇక తన పెళ్లిపై వస్తున్న వార్తలు కేవలం పుకార్లే అని, కాలు బాలేక రెస్ట్ తీసుకుంటే.. పెళ్లి చేసుకుంటుంది కాబట్టే కథలు వినట్లేదు అని రూమర్స్ పుట్టించారంటూ ఆమె స్పష్టం చేసింది. దీంతో నిత్యా మీనన్ కామెంట్స్ కాస్త నెట్టింట వైరల్గా మారాయి.