నిత్యా మీనన్.. ఈ ముద్దుగుమ్మ గురించి గత కొద్ది రోజులుగా ఓ వార్త నెట్టింట తెగ ట్రెండ్ అవుతోంది. అదే ఆమె పెళ్లి వార్త. మలయాళంకు చెందిన ఓ స్టార్ హీరోతో నిత్యా మీనన్ ప్రేమాయణం నడిపిస్తుందని, ఇరు కుటుంబ సభ్యులు ఒప్పుకోవడంతో అతడితోనే పెళ్లి పీటలెక్కేందుకు సిద్ధమవుతోందంటూ జోరుగా ప్రచారం జరుగుతోంది.
త్వరలోనే పెళ్లి తేదీని సైతం ఆమె అనౌన్స్ చేయబోతోందని కూడా వార్తలు వచ్చాయి. అయితే ఈ వార్తలకు చెక్ పెడుతూ.. తాజాగా నిత్యా మీనన్ తన ఇన్స్టాగ్రామ్ ఖాతా ద్వారా ఓ వీడియోను పోస్ట్ చేసింది. ఈ వీడియోలో ఆమె తన పెళ్లి వార్తలపై ఓపెన్ అయింది.
ఇంతకీ నిత్యా మీనన్ ఏం చెప్పిందంటే.. ప్రస్తుతం తన పెళ్లిపై వస్తోన్న వార్తల్లో ఏ మాత్రం నిజం లేదని, ఇప్పట్లో అసలు తనకు పెళ్లి ఆలోచనే లేదని కుండబద్దలు కొట్టేసింది. ఎవరో ఒకరు ఇలాంటి పుకారు సృష్టిస్తే.. మీడియా నిజం తెలుసుకోకుండా వార్తలు ప్రచురించిందంటూ నిత్యా మీనన్ చురకలు వేసింది.
ఇక తన కెరీర్ లో గ్యాప్స్ తీసుకుంటూ ఉంటానని.. నటులకు ఇలాంటి బ్రేక్స్ అవసరమని.. అంతేకానీ పెళ్లి కోసం సినిమాలకు బ్రేక్ ఇవ్వలేదని తెలిపింది. అలాగే ఇప్పటికే ఐదు ప్రాజెక్ట్స్ పూర్తి చేశానని.. అవి త్వరలోనే అవి రిలీజ్ కాబోతున్నాయని కూడా ఆమె స్పష్టం చేసింది. దీంతో ఇప్పుడీ వీడియో నెట్టింట వైరల్గా మారింది. కాగా, సోషల్ మీడియాలో నిత్యా మీనన్ పెళ్లి వార్తలు మురిసిపోయిన అభిమానులు.. ఇప్పుడు అవి నిజం కాదని తేలడంతో కాస్త నిరుత్సాహ పడుతున్నారు.
https://www.instagram.com/tv/CgbyaVwh1lc/?utm_source=ig_web_copy_link