`ఆర్ఆర్ఆర్` తో బ్లాక్ బ‌స్ట‌ర్ హిట్‌ను ఖాతాలో వేసుకుని పాన్ ఇండియా ఇమేజ్‌ను సొంతం చేసుకున్న యంగ్ టైగ‌ర్ ఎన్టీఆర్.. త‌న త‌దుప‌రి చిత్రాన్ని కొర‌టాల శివ‌తో చేసేందుకు గ్రీన్ సిగ్నెల్ ఇచ్చిన సంగ‌తి తెలిసిందే. ఇది ఆయ‌న‌కు 30వ ప్రాజెక్ట్ కావ‌డంతో.. `ఎన్టీఆర్ 30` వ‌ర్కింగ్ టైటిల్‌తో ఈ మూవీని అనౌన్స్ చేశారు.
గ‌తంలో కొర‌టాల-ఎన్టీఆర్ కాంబినేష‌న్‌లో వ‌చ్చిన `జనతా గ్యారేజ్` బ్లాక్ బ‌స్ట‌ర్ హిట్ అవ్వ‌డంతో.. వీరి తాజా ప్రాజెక్ట్‌పై మంచి అంచ‌నాలు నెల‌కొన్నాయి. నందమూరి తారకరామారావు ఆర్ట్స్, యువసుధ ఆర్ట్స్ బ్యాన‌ర్ల‌పై పాన్ ఇండియా స్థాయిలో ఈ చిత్రం నిర్మితం కాబోతోంది. అయితే ఈ సినిమాకు ప్ర‌క‌టించి దాదాపు సంవ‌త్స‌రం గ‌డిచిపోయింది.
అయినాస‌రే ఇప్ప‌టి వ‌ర‌కు ఈ మూవీని ప‌ట్టాలెక్కించ‌లేదు. `ఆర్ఆర్ఆర్` విడుద‌లైన వెంట‌నే ఈ మూవీ స్టార్ట్ అవుతుంద‌ని అంద‌రూ భావించారు. కానీ, అలా జ‌ర‌గ‌లేదు. షూటింగ్ ఆల‌స్యం కావ‌డం వెన‌క ఎన్నో కార‌ణాలు వినిపించాయి. అయితే అవి ఎంత నిజ‌మో కూడా స్ప‌ష్ట‌త రాలేదు.
ఇవ‌న్నీ ప‌క్క‌న పెడితే.. తాజాగా `ఎన్టీఆర్ 30` ప్రారంభానికి మేకర్స్ ముహూర్తం పెట్టేశార‌ని తాజాగా ఓ టాక్ బ‌య‌ట‌కు వ‌చ్చింది. ఆగస్ట్ 31న ఈ మూవీని పూజా కార్య‌క్ర‌మాల‌తో అట్ట‌హాసంగా లాంచ్ చేసి.. సెప్టెంబ‌ర్ రెండో వారం నుంచి రెగ్యుల‌ర్ షూటింగ్‌ను షురూ చేసేందుకు స‌న్నాహాలు చేస్తున్న‌ట్లు ప్ర‌చారం జ‌రుగుతోంది. అయితే దీనిపై అధికారిక ప్ర‌క‌ట‌న రావాల్సి ఉంది.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!