దర్శకధీరుడు రాజమౌళి తెర‌కెక్కించిన `ఆర్ఆర్‌ఆర్` సినిమాతో బ్లాక్ బస్టర్ హిట్ ను ఖాతాలో వేసుకోవడంతో పాటు పాన్ ఇండియా ఇమేజ్‌ను సొంతం చేసుకున్న యంగ్ టైగర్ ఎన్టీఆర్.. ప్రస్తుతం కొరటాల శివతో తన తదుపరి చిత్రాన్ని చేసేందుకు రెడీ అవుతున్న సంగతి తెలిసిందే.
నందమూరి తారకరామారావు ఆర్ట్స్, యువసుధ ఆర్ట్స్ బ్యాన‌ర్ల‌పై నిర్మితం కానున్న ఈ చిత్రానికి అనిరుధ్ రవిచందర్ సంగీతం అందించనున్నారు. `ఎన్టీఆర్ 30` వర్కింగ్ టైటిల్ తో తెర‌కెక్కబోయే ఈ చిత్రంపై ఎప్పుడో అఫీషియల్ అనౌన్స్మెంట్ వచ్చింది. కానీ ఇప్పటివరకు షూటింగ్ ప్రారంభం కాలేదు.
అయితే షూటింగ్ ఆలస్యం కావడానికి కారణం ఇదే అంటూ రోజుకో వార్త నెట్టింట ట్రెండ్‌ అవుతోంది. అయితే ఏది వాస్త‌వం అన్నది అంతు చిక్కడం లేదు. ఇదిలా ఉంటే తాజాగా ఈ సినిమాకు సంబంధించి ఓ ఇంట్రెస్టింగ్ న్యూస్ నెట్టింట వైరల్ గా మారింది. అదేంటంటే ఈ సినిమాకి సంబంధించి ఇప్పటికే ఫస్ట్ హాఫ్ లాక్ అయిందట.
అయితే సెకండ్ హాఫ్ కథ విషయంలో ఎన్టీఆర్ సంతృప్తి చెందడం లేదట. అందుకే కొరటాల సెకండ్ హాఫ్ పై జోరుగా కసరత్తులు చేస్తున్నారట. ఇక ఈ సినిమా కథ చర్చల్లో ఎన్టీఆర్ కూడా పాల్గొంటున్నాడట. తన ఇన్నేళ్ల కెరీర్ లో ఎన్టీఆర్ కథా చర్చల్లో పాల్గొని సూచనలు చేయడం ఇదే తొలిసారి. హిట్ కోసమే ఆయన ఈ పని చేస్తున్నాడని.. గత చిత్రాలతో పోలిస్తే `ఎన్టీఆర్ 30` కి ఆయన ఎక్కువ జాగ్రత్తలను తీసుకుంటున్నారని టాక్ నడుస్తోంది.
Manchu Manoj: కూతురు పుట్టిన వెంటనే మంచు మనోజ్ చేసిన పనికి అవాక్ అయిన మౌనిక.. కన్నీళ్లు పెట్టుకుంటూ ఎమోషనల్..!