Pakka Commercial Trailer: టాలీవుడ్ మ్యాచో హీరో గోపీచంద్, రాశి ఖన్నా జంటగా నటించిన తాజా చిత్రం `పక్కా కమర్షియల్`. మారుతి దర్శకత్వం వహించిన ఈ చిత్రాన్ని యూవి క్రియేషన్స్, గీతా ఆర్ట్స్-2 బ్యానర్లపై అల్లు అరవింద్, బన్నీ వాసు సంయుక్తంగా నిర్మించారు. ఇందులో సత్యరాజ్, రావు రమేష్ తదితరులు ఇందులో ముఖ్య పాత్రలను పోషించారు.
కొద్ది రోజుల క్రితమే షూటింగ్ కంప్లీట్ చేసుకున్న ఈ చిత్రం జూలై 1న ప్రేక్షకుల ముందుకు వచ్చేందుకు సిద్ధం అవుతోంది. ఈ నేపథ్యంలోనే ప్రమోషన్స్ షురూ చేసిన మేకర్స్ తాజాగా ఈ మూవీ ట్రైలర్ను బయటకు వదిలారు. ఇందులో గోపీచంద్, రాశీ ఖన్నాలు లాయ్యర్స్గా అలరించబోతున్నారు. ఎలాంటి తప్పు చేసినవాడికైనా కోర్టులో శిక్ష పడకుండా చేసే వ్యక్తిగా గోపీచంద్ కనిపిస్తే.. న్యాయాన్ని కాపాడుకోవడానికి కన్న కొడుకుతోనే పోరాటానికి దిగే తండ్రిగా సత్యరాజ్ నటించారు.
తండ్రీ, కొడుకుల మధ్య సాగే ఆసక్తికర పోరునే ఈ చిత్రంలోనే మారుతి చూపించబోతున్నాడు. కామెడీ, యాక్షన్, రొమాన్స్ ఇలా దేనికీ కొదవ లేకుండా సినిమాను రూపొందించారని ట్రైలర్ బట్టీ అర్థమైంది. అలాగే మారుతీ మార్క్ ఎంటర్టైన్మెంట్ ట్రైలర్లో స్పష్టంగా కనిపించింది. `మీతో సెల్యూట్ కొట్టించుకోడానికి నేను హీరో కాదురా.. విలన్` అని చెబుతూ గోపీచంద్ అదరగొట్టేశాడు.
ఇక రాశీ ఖన్నా రోల్ పూర్తి ఫన్ వేలో సాగితే.. రావు రమేష్ పాత్ర సర్ప్రైజింగ్ గా ఉండబోతోంది. మొత్తానికి అద్భుతంగా ఉన్న తాజా ట్రైలర్ సినిమాపై మంచి అంచనాలను క్రియేట్ చేసింది. మరి ఆ అంచనాలను అందుకుని గోపీచంద్ హిట్ కొడతాడో..లేదో.. తెలియాలంటే జూలై 1వ తేదీ వరకు ఆగాల్సిందే.
Mango: వేసవి కాలం వచ్చిందంటే చాలు మామిడి పండ్ల సీజన్ మొదలైనట్టే.. ఈ సీజన్ లో దొరికే మామిడి పండ్ల…
Hero Ram: టాలీవుడ్ ఎనర్జిటిక్ స్టార్ రామ్ పోతినేని పెళ్లి పీటలెక్కబోతున్నాడంటూ గత కొద్ది రోజుల నుంచీ నెట్టింట జోరుగా…
AP Employees: ఉద్యోగుల జీపీఎఫ్ ఖాతాల్లో సొమ్ములు మాయం అయిన ఘటనపై ఏపి ఉద్యోగ సంఘాల నేతలు బొప్పరాజు వెంకటేశ్వరరావు తదితరులు…
Rice Idly: హెల్తీ బ్రేక్ ఫాస్ట్ లో ఇడ్లీ కూడా ఒకటి.. ఆరోగ్యానికి మంచిదనీ తెలిసినా ఈ పిండి సిద్ధం…
Bihar Politics: నలుగురు బీహారీ ముస్లిం నేతలు ఎంఐఎం అధినేత ఒవైసీకి బిగ్ షాక్ ఇచ్చారు. గత ఎన్నికల్లో గెలిచిన…
Pain Killer: క్షణం తీరిక లేకుండా ఆఫీస్ పనిలో నిమగ్నమైనప్పుడు, శ్రమతో కూడిన వ్యాయామాలు చేయడం, అధిక ఒత్తిడి, జ్వరం…