Unstoppable 2: నరసింహ నందమూరి బాలయ్య బాబు హోస్ట్ గా “అన్ స్తాపబుల్” టాకీ షో ఇండియాలోనే సంచలనం సృష్టించిన సంగతి తెలిసిందే. మొదటి సీజన్ ఆహా ఓటీటిలో రికార్డు స్థాయి వ్యూస్ రాబట్టింది. ఓటిటి రంగంలో ఆహా దూసుకుపోవడానికి “అన్ స్తాపబుల్” ప్రధాన కారణమని చెప్పవచ్చు. అప్పటిదాకా నటుడిగా మాత్రమే కనిపించిన బాలయ్య ఈ షోతో తనలో ఉన్న మరో కోణాన్ని చూపించడం జరిగింది. హోస్ట్ గా బాలయ్య బాబు సెలబ్రిటీలను అద్భుతంగా ఇంటర్వ్యూలు చేయటం మాత్రమే కాదు కాంట్రవర్సీ ప్రశ్నలను కామెడీగా వేసి.. అద్భుతమైన సమాధానాలు రాబట్టేవాళ్ళు.
ఇదిలా ఉంటే ఇటీవల ఆహా “అన్ స్తాపబుల్ 2” త్వరలో స్ట్రీమింగ్ కానున్నట్లు అధికారిక ప్రకటన చేయడం జరిగింది. దెబ్బకి థింకింగ్ మారిపోవాలి అనే టాగ్ లైన్ కూడా పెట్టింది. అయితే ఈ సీజన్లో మొట్టమొదటిగా పవర్ స్టార్ పవన్ కళ్యాణ్ నీ బాలకృష్ణ ఇంటర్వ్యూ చేయనున్నట్లు సమాచారం. “అన్ స్తాపబుల్ 2″లో పవన్ కళ్యాణ్ తో పాటు త్రివిక్రమ్ కూడా షోకి రానున్నారట. ఇప్పటివరకు ఒకే వేదికపై బాలయ్య మరియు పవన్ కనిపించిన సందర్భాలు లేవు. కానీ ఫస్ట్ టైం వీళ్ళిద్దరూ.. ఒకే ఫ్రేమ్ లో కనిపించనున్న నేపథ్యంలో ఫ్యాన్స్ ఫుల్ హ్యాపీగా ఉన్నారు.
రెండో సీజన్ ప్రారంభంలోనే వీరిద్దరి కాంబినేషన్ ఇంటర్వ్యూ స్ట్రీమింగ్ చేయనున్నట్లు వార్తలు వస్తున్నాయి. అన్ స్తాపబుల్ సెకండ్ సీజన్ పవన్ కళ్యాణ్ మాత్రమే కాదు చిరంజీవి ఇంకా చాలామంది టాప్ మోస్ట్ సెలబ్రిటీలు ఈ షో కి రానున్నట్లు సమాచారం. “అన్ స్తాపబుల్ 1″లో మహేష్ బాబు, రవితేజ, అల్లు అర్జున్, విజయ్ దేవరకొండ.. మరి కొంతమంది హీరోలు దర్శకులు ప్రముఖులు వచ్చారు. దీంతో మొదటి సీజన్ కంటే రెండో సీజన్ మరింతగా చాలా గ్రాండ్ గా ఆహా ఓటీటి యాజమాన్యం ప్లాన్ చేసినట్లు తెలుస్తోంది.