పవర్ స్టార్ పవన్ కళ్యాణ్, ఆయన మేనల్లుడు సాయి ధరమ్ తేజ్ కాంబినేషన్లో ఓ మూవీ రాబోతోందని ఎప్పటి నుంచో జోరుగా వార్తలు వస్తున్న సంగతి తెలిసిందే. తమిళంలో మంచి విజయం సాధించిన `వినోదయ సీతమ్` తెలుగు రీమేక్లో మామా అల్లుళ్ళు స్క్రీన్ షేర్ చేసుకోబోతున్నారు. టాలెంటెడ్ యాక్టర్ కమ్ డైరెక్టర్ సముద్రఖని ఈ చిత్రానికి దర్శకత్వం వహించబోతున్నాడు.
ఒరిజినల్ ను ఈయనే డైరెక్ట్ చేయడంతో.. రీమేక్ బాధ్యతలను సైతం పవన్ సముద్రఖనికే అప్పగించారు. కారు యాక్సిడెంట్లో మరణించిన యువకుడికి దేవుడు.. మరో 60 రోజుల పాటు జీవించే అద్భుత వరాన్ని ఇస్తారు. ఆ తర్వాత అతడు ఎలాంటి పరిస్థితులను ఎదుర్కొన్నాడన్నదే ఈ మూవీ కథ.
ఈ రీమేక్లో దేవుడుగా పవన్ కళ్యాణ్, వరం పొందే యువకుడిగా సాయి ధరమ్ తేజ్ కనిపించబోతున్నారు. ఈ రీమేక్ పై అధికారిక ప్రకటన రానప్పటికీ.. సముద్రఖని ఓ ఇంటర్వ్యూలో పవన్ కళ్యాణ్ తో సినిమాని ధ్రువీకరించారు. ఆగస్టు నుండీ ఈ మూవీ సెట్స్ మీదకు వెళ్లబోతోందని తెలుస్తోంది.
అయితే తాజాగా ఈ సినిమాకు సంబంధించి ఓ ఇంట్రస్టింగ్ న్యూస్ ట్రెండ్ అవుతోంది. అదేంటంటే.. ఈ చిత్రానికి `జగత్ జజ్జరికా` అనే టైటిల్ ను ఖరారు చేశారట. ఇది ఎంత వరకు నిజమో తెలియదు గానీ.. `జగత్ జజ్జరికా` అనే టైటిల్ మాత్రం నెట్టింట వైరల్గా మారింది. దీంతో పవన్ సినిమాకు అలాంటి విచిత్రమైన టైటిలా అంటూ నెటిజన్లు ఆశ్చర్యపోతున్నారు.