Priyanka Jawalkar: క్రికెట‌ర్‌తో ప్రేమాయ‌ణం.. ఫుల్ క్లారిటీ ఇచ్చిన ప్రియాంక!

Priyanka Jawalkar: ప్రియాంక జ‌వాల్క‌ర్.. ఈ బ్యూటీ గురించి ప‌రిచ‌యాలు అవ‌స‌రం లేదు. `కలవరం ఆయే` మూవీతో సినీ కెరీర్‌ను ప్రారంభించిన ప్రియాంక‌.. విజ‌య్ దేవ‌ర‌కొండ స‌ర‌స‌న `టాక్సీవాలా`లో న‌టించి గుర్తింపు సంపాదించుకుంది. ఆ త‌ర్వాత గమనం, ఎస్ఆర్ కల్యాణమండపం, తిమ్మ‌రుసు చిత్రాల‌తో ప్రేక్ష‌కుల‌ను ప‌ల‌క‌రించింది.

ఇదిలా ఉంటే.. గ‌త కొద్ది రోజుల నుంచీ ఈ బ్యూటిఫుల్‌ హీరోయిన్‌, యంగ్‌ క్రికెటర్‌ వెంకటేశ్‌ అయ్యర్‌ ప్రేమలో ఉన్నారంటూ సోషల్‌ మీడియా కోడై కూస్తున్న విషయం తెలిసిందే. ఇటీవల ప్రియాంక `అతడే..` అంటూ హార్ట్‌ ఎమోజీ పెట్టి షేర్ చేసిన ఓ ఫొటో ఈ వార్తలకు మరింత బలం చేకూర్చింది.

• Read the latest news from NEWSORBIT
• Follow us on facebook , Twitter , instagram and Googlenews

ఈ పిక్‌లో ప్రియాంక ఒక వ్యక్తి ఎదుట కూర్చిని క‌నిపిస్తోంది. అయితే అందులో స‌ద‌రు వ్య‌క్తి ముఖం మాత్రం క‌నిపించ‌లేదు. కానీ, ఆ వ్య‌క్తి వెంక‌టేశ్ అయ్య‌ర్ అంటూ జోరుగా ప్ర‌చారం జ‌రుగుతోంది. దాంతో తాజాగా ఆ ప్ర‌చారంపై ప్రియాంక ఫుల్ క్లారిటీ ఇచ్చేసింది.

`ఫోటోలో నా ఎదురుగా కూర్చున్న అబ్బాయి ఆ రోజు ఫోటో షూట్ పనుల్లో సహాయం చేయడానికి వచ్చాడు. తన బాయ్‌ ఫ్రెండ్ అంటూ వ‌చ్చిన ఆర్టికల్స్ గురించి అమ్మ అడుగుతోంది. ఇక దీని గురించి మాట్లాడటం మానేస్తే బావుంటుంది` అంటూ ప్రియాంక సోష‌ల్ మీడియా ద్వారా పేర్కొంది.