వ‌రుస ఫ్లాపుల త‌ర్వాత `ఇస్మార్ట్ శంక‌ర్‌` తో సక్సెస్ ట్రాక్ ఎక్కిన డైన‌మిక్ డైరెక్ట‌ర్ పూరి జగన్నాథ్.. రీసెంట్‌గా `లైగ‌ర్‌` మూవీతో ప్రేక్ష‌కుల‌ను ప‌ల‌క‌రించాడు. ఇది పాన్ ఇండియా ప్రాజెక్ట్. ఇందులో రౌడీ బాయ్ విజ‌య్ దేవ‌ర‌కొండ, బాలీవుడ్ బ్యూటీ అన‌న్య పాండే జంట‌గా న‌టించారు.
బాక్సింగ్ బ్యాక్ డ్రాప్ లో రూపుదిద్దుకున్న ఈ చిత్రం ఆగ‌స్టు 25న విడుద‌లై.. బాక్సాఫీస్ వ‌ద్ద ఘోరంగా బోల్తా ప‌డింది. పూరి మార్క్ `లైగ‌ర్‌`లో ఏ మాత్రం క‌నిపించ‌లేద‌ని అభిమానులు సైతం పెద‌వి విరిచారు. దీంతో ఇప్పుడు పూరి జగన్నాథ్ ఆశ‌ల‌న్నీ త‌న డ్రీమ్ ప్రాజెక్ట్ `జ‌న‌గ‌ణ‌మ‌న`పైనే పెట్టుకున్నాడ‌ట.
`జ‌న‌గ‌ణ‌మ‌న`లోనూ విజ‌య్ దేవ‌ర‌కొండ‌నే హీరోగా న‌టిస్తున్నాడు. పూజా హెగ్డే హీరోయిన్‌గా అల‌రించ‌బోతోంది. దేశభక్తి నేప‌థ్యంలో రూపుదిద్దుకుంటున్న ఈ చిత్రాన్ని ఛార్మీ కౌర్‌, వంశీ పైడిపల్లి పాన్ ఇండియా స్థాయిలో నిర్మిస్తున్నారు. ఈ క్రేజీ ప్రాజెక్ట్‌లో రౌడీ హీరోగా సైనికుడిగా కనిపించనున్నాడు.
ఇప్ప‌టికే ముంబై వేదిక‌గా ఈ మూవీ సెట్స్ మీద‌కు వెళ్లింది. ఈ సినిమాతో పూరి జగన్నాథ్ హిట్ అందుకోవాల్సిన అవ‌స‌రం ఎంతైనా ఉంది. పొర‌పాటున హిట్ మిస్ అయితే ఇక అంతే సంగ‌తుల‌ని, పూరి వైపు స్టార్ హీరోలు చూడ‌టానికి కూడా సంకోచిస్తార‌ని అంటున్నారు.
