రకుల్ ప్రీత్ సింగ్.. ఈ ఢిల్లీ బ్యూటీ గురించి ప్రత్యేకమైన పరిచయాలు అవసరం లేదు. తనదైన టాలెంట్ తో టాలీవుడ్ లో స్టార్ ఇమేజ్ ను సొంతం చేసుకున్న ఈ ముద్దుగుమ్మ ప్రస్తుతం బాలీవుడ్ లో పాగా వేయాలని తెగ ప్రయత్నిస్తోంది. బాలీవుడ్ లో బ్యాక్ టు బ్యాక్ సినిమాలు చేస్తూ అక్కడ స‌త్తా చాటాల‌ని చూస్తోంది.
ఇక మరోవైపు రకుల్ బాలీవుడ్ నటుడు నిర్మాత జాకీ భ‌గ్నానితో ప్రేమాయణం కొనసాగిస్తున్న విషయం తెలిసిందే. ఈ విషయాన్ని రకుల్ స్వయంగా వెల్లడించింది. గ‌త ఏడాది త‌న బ‌ర్త్‌డే నాడు త‌న ప్రియుడిని అంద‌రికీ ప‌రిచ‌యం కూడా చేసింది. అయితే వీరిద్దరూ మ‌రికొద్ది రోజుల్లోనే పెళ్లి చేసుకోబోతున్నారని తాజాగా ఓ వార్త నెట్టింట వైరల్ గా మారింది.
రకుల్ ప్రీత్ సోదరుడు అమన్ ప్రీత్ ఈ విషయాన్ని వెల్లడించినట్టు ప్రచారం జరుగుతోంది. అయితే ఈ ప్రచారంపై రకుల్ తాజాగా ఫుల్ క్లారిటీ ఇచ్చింది ఈ మేరకు ట్విట్టర్లో ఓ పోస్ట్ పెట్టింది. `అమన్ నా పెళ్లి గురించి నిజంగానే నువ్వు క్లారిటీ ఇచ్చావా..? మ‌రి నా పెళ్లి గురించి నాకు కూడా చెప్పాలి కదా బ్రో.
నా జీవితం గురించి నాకే తెలియకపోవడం హాస్యాస్పదంగా ఉంది` అంటూ వ్యాంగ్యంగా రకుల్ ప్రీత్ ట్వీట్ చేసింది. ఈ ట్వీట్ తో నెట్టింట రకుల్ పెళ్లిపై జరుగుతున్న ప్రచారం మొత్తం పుకారే అని తేలిపోయింది. కాగా, రకుల్ సినిమాల విష‌యానికి వ‌స్తే.. ఈమె చేతిలో డాక్ట‌ర్ జీ, ఛ‌త్రివాలి, థ్యాంక్ గాడ్, ఇండియ‌న్ 2 చిత్రాలు ఉన్నాయి. వీటిలో డాక్ట‌ర్ జీ మూవీ అక్టోబ‌ర్ 14న ప్రేక్ష‌కుల ముందుకు రాబోతోంది.
https://newsorbit.com/news/rakul-preet-singh-bollywood-cinemas-and-projects.html?nonamp=1
