సీనియ‌ర్ స్టార్ క‌మ‌ల్ హాస‌న్‌, స్టార్ డైరెక్టర్ శంక‌ర్ కాంబినేష‌న్లో దాదాపు ఇర‌వై ఏళ్ల క్రితం వ‌చ్చిన `ఇండియన్(తెలుగులో భార‌తీయుడు)` చిత్రం ఎంత‌టి సంచ‌ల‌న విజ‌యాన్ని నమోదు చేసిందో తెలిసిందే. అయితే `ఇండియన్ 2` టైటిల్‌తో మూడేళ్ల క్రితం ఈ సినిమాకు సీక్వెల్‌ను ప్రారంభించిన సంగ‌తి తెలిసిందే.
లైకా ప్రొడక్షన్స్ సంస్థ నిర్మిస్తోన్న ఈ చిత్రంలో కాజల్ అగర్వాల్, రకుల్ ప్రీత్ సింగ్ హీరోయిన్లుగా క‌నిపించ‌బోతోన్నారు. అయితే ఈ సినిమాను ఏ ముహూర్తాన స్టార్ట్ చేశారో గానీ.. ఆది నుంచి అడ్డంకులు ఎదుర‌వుతూనే ఉన్నాయి. చాలా కాలం పాటు షూటింగ్ ఆగిపోగా.. ఇటీవ‌లె శంక‌ర్ `ఇండియన్ 2`ను మళ్లీ ప‌ట్టాలెక్కించారు.
అయితే తాజాగా రకుల్ ఈ మూవీ షూటింగ్‌లో జాయిన్ అయింది. ఈ విష‌యాన్ని ఆమె స్వ‌యంగా వెల్ల‌డించింది. ఇండియన్ 2 చిత్ర షూటింగ్ కు హాజరైనట్టు తన ఇన్‌స్టాగ్రామ్‌ స్టోరీలో పేర్కొంది. ఈ మేర‌కు ఓ పిక్‌ను కూడా షేర్ చేసింది.
ఇక రకుల్ రంగంలోకి దిగిపోవ‌డంతో.. కాజల్ ఎక్క‌డ‌ని ఆరాలు తీయ‌డం మొద‌లుపెట్టారు నెటిజ‌న్లు. అయితే ఆమె కూడా త్వ‌ర‌లోనే సెట్స్‌లో అడుగు పెట్ట‌బోతోంద‌ని తెలుస్తోంది. వాస్త‌వానికి ఈ మూవీ ప్రారంభం అయిన త‌ర్వాతే కాజల్ పెళ్లైంది. అలాగే ఆమెకు ఓ బాబు కూడా జ‌న్మించాడు. ప్ర‌స్తుతం మాతృత్వాన్ని ఆస్వాదిస్తున్న కాజల్.. ఇండియన్ 2 మూవీతోనే రీఎంట్రీ ఇవ్వ‌బోతోంది.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!