టాలీవుడ్ ఎనర్జిటిక్ స్టార్ రామ్ పోతినేని, యంగ్ బ్యూటీ కృతి శెట్టి జంటగా నటించిన తాజా చిత్రం `ది వారియర్`. తమిళ దర్శకుడు ఎన్. లింగుసామి తెరకెక్కించిన ఈ చిత్రాన్ని శ్రీనివాసా సిల్వర్ స్క్రీన్ బ్యానర్పై శ్రీనివాసా చిట్టూరి నిర్మించారు. ఇందులో ఆది పినిశెట్టి విలన్గా నటిస్తే.. నదియ, అక్షర గౌడ తదితరులు కీలక పాత్రలను పోషించారు.
కర్నూలు నేపథ్యంలో సాగే మాస్ ఎంటర్టైనర్ ఇది. ఈ మూవీ ఫస్టాఫ్లో డాక్టర్గా, సెకెండాఫ్లో పవర్ ఫుల్ పోలీస్ ఆఫీసర్గా రామ్ నటించారు. జూలై 14న తెలుగు, తమిళ భాషల్లో విడుదలైన ఈ చిత్రం.. మిశ్రమ స్పందన దక్కించుకుంది. అయితే బిజినెస్ మరీ ఎక్కువ అవ్వడంతో ఆ టార్గెట్ ను అందుకోవడంలో ఈ మూవీ విఫలం అయింది.
దాంతో టాక్ ఓ మాదిరిగా ఉన్నా.. ఈ మూవీ కమర్షియల్గా ఫ్లాప్ అయింది. ఇకపోతే ఇప్పుడు ఈ చిత్రం ఓటీటీలో సందడి చేసేందుకు సిద్ధం అవుతోంది. ఈ చిత్రం డిజిటల్, శాటిలైట్స్ రైట్స్ ను స్టార్ నెట్ వర్క్, డిస్నీ ప్లస్ హాట్ స్టార్ సాలిడ్ ధరకు దక్కించుకున్న సంగతి తెలిసిందే.
అయితే ఈ చిత్రాన్ని థియేటర్స్లో విడుదలైన నెల లోపే ఓటీటీలోకి దింపేస్తున్నారు. ఆగస్టు 11 నుండి హాట్స్టార్లో `ది వారియర్` స్ట్రీమింగ్ కాబోతోంది. ఎవరైతే థియేటర్స్లో మిస్ అయ్యారో.. వారు ఆగస్టు 11 నుండి ఈ మూవీని ఇంట్లోనే హాట్స్టార్ చూసి ఎంజాయ్ చేయవచ్చు. మరి థియేటర్స్లో సత్తా చూటలేకపోయిన `ది వారియర్` ఓటీటీ వేదికగా ఏ మేరకు సక్సెస్ అవుతుందో చూడాలి.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!