17.2 C
Hyderabad
December 5, 2022
NewOrbit
Entertainment News సినిమా

ఇంట్ర‌స్టింగ్‌గా `రామారావు` ట్రైల‌ర్‌.. ర‌వితేజ వేట మొద‌లైంద‌ట‌!

Share

మాస్ మ‌హారాజ్ ర‌వితేజ తాజా చిత్రం `రామారావు ఆన్ డ్యూటీ`. శ్రీ లక్ష్మీ వెంకటేశ్వర సినిమాస్ & రవితేజ టీం వర్క్స్ బ్యానర్ల పై సుధాకర్ చెరుకూరి నిర్మించిన ఈ చిత్రానికి శరత్ మండవ ద‌ర్శ‌క‌త్వం వ‌హించాడు. రాజీషా విజయన్‌, దివ్యాంశ కౌశిక్ ఇందులో హీరోయిన్లుగా న‌టిస్తే.. సీనియ‌ర్ హీరో వేణు, తనికెళ్ల భరణి, పవిత్ర లోకేష్ త‌దిత‌రులు కీల‌క పాత్ర‌ల్లో క‌నిపించ‌బోతున్నారు.

ఎప్పుడో షూటింగ్ కంప్లీట్ చేసుకున్న ఈ చిత్రం.. ఇప్ప‌టికే ప్రేక్ష‌కుల ముందుకు రావాల్సి ఉన్నా ప‌లు కార‌ణాల వ‌ల్ల వాయిదా ప‌డుతూ వ‌స్తోంది. అయితే ఎట్ట‌కేల‌కు ఈ చిత్రం జులై 29న విడుద‌ల అయ్యేందుకు సిద్ధం అవుతోంది. ఈ నేప‌థ్యంలోనే వ‌రుస అప్డేట్స్‌తో సినిమాపై హైప్ క్రియేట్ చేస్తున్న మేక‌ర్స్‌.. తాజాగా `రామారావు ఆన్ డ్యూటీ` ట్రైల‌ర్‌ను బ‌య‌ట‌కు వ‌దిలారు.

ఒక ఆపరేషన్ లో వేర్వేరు ప్రాంతాలకు చెందిన కష్టజీవులు మాయమయ్యారని చెప్పడం.. ఒక పాప తన తండ్రిని వెతకడంలో సహాయం చేయమని అడగడంతో ప్రారంభ‌మైన ఈ ట్రైల‌ర్ ఆధ్యంతం ఫుల్ ఇంట్ర‌స్టింగ్‌గా సాగింది. `ఇన్నాళ్లు ఒక గవర్నమెంట్ ఆఫీసర్ గా చట్టప్రకారం డ్యూటీ చేసిన నేను, ఇకపై రామారావుగా ధర్మం కోసం డ్యూటీ చేస్తాను` అంటూ ర‌వితేజ చెప్పిన డైలాగ్ సినిమాపై ఆస‌క్తిని పెంచుతోంది.

రవితేజ డిప్యూటీ కలెక్టర్‌గా కనిపించనున్నాడు. అయితే ధర్మం కోసం ఆ క‌లెక్ట‌ర్ చట్టాన్ని పక్కన పెడితే ఎలాంటి ప‌రిణామాలు చోటుచేసుకుంటాయి అన్న‌దే ఈ సినిమా క‌థ అని ట్రైల‌ర్ బ‌ట్టీ అర్థం అవుతోంది. ఇద్దరు హీరోయిన్లతో ర‌వితేజ లాక్ ట్రాక్‌, ఫైట్స్‌, విజువ‌ల్స్‌, బ్యాగ్రౌండ్ మ్యూజిక్ వంటి అంశాలు కూడా ఆక‌ట్టుకున్నాయి. ఇక చివ‌ర్లో అస‌లు వేట మొద‌లైంది అంటూ ర‌వితేజ చెప్ప‌డం ఇంకా బాగా అల‌రించింది. మొత్తానికి అదిరిపోయిన ఈ ట్రైల‌ర్ సినిమాపై భారీ అంచ‌నాల‌ను క్రియేట్ చేశాయి. మ‌రి ఆ అంచ‌నాల‌ను ర‌వితేజ అందుకుంటాడో..లేదో..చూడాలి.


Share

Related posts

# RC 15: చరణ్ లుక్స్ మీదే దర్శకుడి శంకర్ కసరత్తులన్నీ..కమల్, రజనీలను మించి చూపించబోతున్నారు..

GRK

ధ‌నుష్‌కి ఇంట‌ర్నేష‌న‌ల్ అవార్డ్‌

Siva Prasad

Kajal Aggarwal : ఇండస్ట్రీ, అభిమానులను ఒక్కసారిగా షాక్ కు గురి చేసిన కాజల్ అగర్వాల్..!! 

sekhar