`ల‌వ్ స్టోరీ`, `శ్యామ్ సింగ‌రాయ్‌`ల‌తో వ‌రుస హిట్ల‌ను ఖాతాలో వేసుకున్న సాయి ప‌ల్ల‌వి.. ఇటీవ‌ల `విరాట ప‌ర్వం`తో ప్రేక్ష‌కుల‌ను ప‌ల‌క‌రించింది. అయితే ఈ చిత్రం బాక్సాఫీస్ వ‌ద్ద బోల్తా ప‌డినా.. సాయి ప‌ల్ల‌వి న‌ట‌న‌కు మాత్రం ప్ర‌శంస‌లు ద‌క్కాయి. ఇక‌పోతే ఇప్పుడు సాయి ప‌ల్ల‌వి మ‌రో మూవీతో అల‌రించేందుకు సిద్ధమైంది.
అదే `గార్గి`. గౌతమ్ రామచంద్రన్ దర్శకత్వం వ‌హించిన ఈ చిత్రాన్ని రామచంద్రన్, ఐశ్వర్య ల‌క్ష్మీ, థామ‌స్ జార్జ్ నిర్మించారు. 2డీ ఎంట‌ర్‌టైన్‌మెంట్స్ బ్యాన‌ర్‌పై స్టార్ హీరో సూర్య, జ్యోతికలు ఈ మూవీని జూలై 15న త‌మిళంతో పాటు తెలుగు, క‌న్న‌డ భాష‌ల్లో విడుదల చేస్తున్నారు. అయితే నేటి సాయంత్రం ఈ మూవీ ట్రైల‌ర్‌ను బయటకు వ‌దిలారు.
`మేడమ్.. బ్రహ్మానందం పెద్ద కూతురు మీరేనా?` అనే వాయిస్ ఓవర్ తో ప్రారంభ‌మైన ఈ ట్రైలర్.. ఆధ్యంతం ఆస‌క్తిక‌రంగా సాగింది. తన తండ్రిని నిర్దోషిగా బయటకు తీసుకురావడానికి ఓ కూతురు చేసే న్యాయ పోరాటమే `గార్గి`. ఇందులో టీజ‌ర్‌గా సాయి ప‌ల్ల‌వి త‌న‌దైన న‌ట‌న‌తో అద‌ర‌గొట్టింది. గార్గి ఓ మిడిల్ క్లాస్ అమ్మాయి. తన తల్లిదండ్రులతో కలిసి ఆమె జీవిస్తుంటుంది.
అయితే సడన్ గా గార్గి తండ్రిని పోలీసులు అరెస్ట్ చేయ‌డంతో.. ఒక్క రోజులో వారి జీవితాలే తలక్రిందులు అవుతాయి. ఆ త‌ర్వాత తండ్రిని నిర్దోషిగా బయటకు తీసుకురావడానికి గార్గి ఏం చేసిందో తెలియాలంటే జూలై 15 వ‌ర‌కు ఆగాల్సిందే. ట్రైలర్ చివ‌ర్లో `నువ్వు టైమ్, రాత, విధి.. అన్నిటినీ నమ్ముతావమ్మా. కానీ, నన్ను మాత్రం నమ్మవు. ఎందుకంటే.. నేను మగపిల్లాడిని కాదుగా, ఆడపిల్లను` అంటూ సాయి ప‌ల్ల‌వి చెప్పిన డైలాగ్ ఆక‌ట్టుకుంటోంది. అలాగే ఈ ట్రైలర్ సినిమాపై భారీ అంచ‌నాల‌ను క్రియేట్ చేసింది. మ‌రి ఆ అంచ‌నాల‌ను సాయి ప‌ల్ల‌వి అందుకుంటుందో లేదో చూడాలి.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!