పాన్ ఇండియా స్టార్ ప్రభాస్ ప్రస్తుతం చేస్తున్న ప్రాజెక్ట్స్లో `సలార్` ఒకటి. కోలీవుడ్ స్టార్ డైరెక్టర్ ప్రశాంత్ నీల్ ఈ మూవీని తెరకెక్కిస్తున్నారు. `కేజీఎఫ్` వంటి బిగ్గెస్ట్ బ్లాక్ బస్టర్ అనంతరం ప్రశాంత్ నీల్ నుండి రాబోతున్న చిత్రమిది. హోంబలే ఫిల్మ్స్ బ్యానర్పై విజయ కిరాగందుర్ నిర్మిస్తున్న ఈ చిత్రంలో శ్రుతి హాసన్ హీరోయిన్గా నటిస్తోంది.
జగపతి బాబు, పృథ్వీరాజ్ సుకుమారన్ తదితరులు కీలక పాత్రలను పోషిస్తున్నారు. శరవేగంగా షూటింగ్ జరుపుకుంటున్న ఈ చిత్రం నుండి చాలా కాలంగా ఒక్క అప్డేట్ కూడా రాలేదు. అయితే స్వాతంత్ర దినోత్సవం సందర్భంగా ఆగస్టు 15న ప్రభాస్ ఫ్యాన్స్కు అదిరిపోయే ట్రీట్ ఇచ్చేందుకు చిత్ర టీమ్ ముహూర్తం పెట్టేసింది.
ఈ మూవీ అప్డేట్ను ఆగస్టు 15 మధ్యాహ్నం 12.58 నిమిషాలకు బయటకు వదలబోతున్నారు. ‘సలార్ ది సాగా’ ట్విటర్ హ్యాండిల్ ద్వారా ‘సలార్ కోసం సిద్ధంగా ఉండండి’ అంటూ అఫిషియల్ అనౌన్స్ మెంట్ ను కూడా అందించారు. `సలార్` నుంచి ఇప్పటి వరకు కేవలం ఫస్ట్ లుక్స్ మాత్రమే వచ్చాయి.
ఈ సినిమా టీజర్ను మే నెలలో రిలీజ్ చేస్తామని చిత్ర యూనిట్ గతంలో వెల్లడించినా..కొన్ని కారణాల వల్ల అది కుదర్లేదు. మరి రేపు రాబోయేది టీజర్ అప్డేటేనా..? లేక మరేదైనా అప్డేటా..? అన్నది తెలియాల్సి ఉంది.
𝐆𝐞𝐭 𝐫𝐞𝐚𝐝𝐲 𝐟𝐨𝐫 #𝐒𝐚𝐥𝐚𝐚𝐫. 𝐒𝐭𝐚𝐲 𝐓𝐮𝐧𝐞𝐝.#Prabhas @prashanth_neel @VKiragandur @hombalefilms @shrutihaasan @IamJagguBhai @bhuvangowda84 @RaviBasrur @shivakumarart @SalaarTheSaga pic.twitter.com/tMXddHjPJj
— Salaar (@SalaarTheSaga) August 13, 2022