ప్రముఖ స్టార్ హీరోయిన్ సమంత బ్యాక్ టు బ్యాక్ సినిమాల‌తో కెరీర్ ప‌రంగా దూసుకుపోతున్న సంగ‌తి తెలిసిందే. ప్ర‌స్తుతం ఈమె చేతిలో ఉన్న పాన్‌ ఇండియా ప్రాజెక్టులలో `యశోద` ఒకటి. హరి-హరీష్ ద్వయం దర్శకత్వం వహిస్తున్న ఈ చిత్రాన్ని శ్రీదేవి మూవీస్ బ్యానర్ పై శివలెంక కృష్ణప్రసాద్‌ నిర్మిస్తున్నారు.
ఇందులో వరలక్ష్మి శరత్ కుమార్, ఉన్ని ముకుంద‌న్‌, రావు రమేశ్, మురళీ శర్మ, సంపత్ రాజ్, శత్రు తదితరులు కీలక పాత్రలను పోషించారు. మణిశర్మ ఈ సినిమాకు సంగీతం అందించారు. క్రైమ్‌ థ్రిల్లర్ గా రూపుదిద్దుకున్న ఈ చిత్రంలో సమంత ప్రెగ్నెంట్ లేడీ గా కనిపించబోతోంది.
ఇప్ప‌టికే విడుదలైన పోస్ట‌ర్స్‌, గ్లింప్స్‌, టీజ‌ర్ సినిమాపై భారీ అంచ‌నాల‌ను క్రియేట్ చేశాయి. అయితే ఈ చిత్రం ఆగస్టులోనే విడుదల కావాల్సి ఉన్నా.. పలు కారణాల వల్ల వాయిదా పడుతూ వస్తోంది. ఇక ఎట్టకేలకు ఈ సినిమా నుంచి సమంత ఫ్యాన్స్ ను ఖుషీ చేసే గుడ్ న్యూస్ ఒకటి తాజాగా బయటకు వచ్చింది.
అదేంటంటే `యశోద` విడుదలకు మేకర్స్ రిలీజ్ డేట్ లాక్ చేశారు. అవును, నవంబర్ 11న ఈ సినిమా తెలుగుతో పాటు తమిళ్, కన్నడ, మలయాళం మరియు హిందీ భాషల్లో గ్రాండ్ గా విడుదల కాబోతోంది. ఈ విషయాన్ని ఓ పోస్టర్ ద్వారా చిత్ర టీం కన్ఫర్మ్ చేసింది. ఈ అప్డేట్‌తో సమంత ఫ్యాన్స్ ఫుల్ ఫ్యాపీ అయిపోతున్నారు.
https://twitter.com/SrideviMovieOff/status/1581957025038499841?s=20&t=urwZ2SzEcorkOPPorXmYeg
