కోలీవుడ్ స్టార్ హీరో కార్తికి టాలీవుడ్‌లోనూ మంచి మార్కెట్ ఉంది. ఈ నేప‌థ్యంలోనే ఆయ‌న న‌టించిన ప్ర‌తి సినిమాను త‌మిళంతో పాటు తెలుగులోనూ విడుద‌ల చేస్తున్నారు. అలా దీపావ‌ళి కానుక‌గా విడుద‌లైన చిత్రం `సర్దార్`. పి.ఎస్.మిత్రన్ దర్శకత్వం వ‌హించిన ఈ చిత్రంలో రాశి ఖ‌న్నా, రజిష విజయన్ హీరోయిన్లుగా నటించారు.
చుంకీ పాండే విల‌న్ గా చేశాడు. ప్రిన్స్ పిక్చర్స్, అన్నపూర్ణ స్టూడియోస్ బ్యానర్లపై నిర్మితమైన ఈ స్పై థ్రిల్లర్ ఫ‌స్ట్ షో నుంచే పాజిటివ్ టాక్‌ను సొంతం చేసుకుంది. కార్తి తండ్రి కొడుకులగా ద్విపాత్రాభినయం చేసి ప్రేక్ష‌కుల‌ను విశేషంగా ఆక‌ట్టుకున్నాయి. ఇక టాక్ బాగుండ‌టంతో ఈ చిత్రం బాక్సాఫీస్ వ‌ద్ద కలెక్షన్స్ ప‌రంగా బీభ‌త్సం సృష్టిస్తోంది.
ముఖ్యంగా తెలుగు రాష్ట్రాల్లో ఈ మూవీ కలెక్షన్స్ రోజురోజుకు ఊపందుకుంటున్నాయి. తొలి రోజు రూ. 90 లక్షల రేంజ్ లో షేర్ ని సొంతం చేసుకున్న ఈ చిత్రం.. 2వ రోజు రూ. 1.05 కోట్ల రేంజ్‌ను షేర్‌ను ద‌క్కించుకుంది. అయితే మూడు రోజు అంత‌కు మించి రూ. 1.48 కోట్ల రేంజ్ లో షేర్ ని సొంతం చేసుకుని అంద‌రినీ ఆశ్చ‌ర్య‌ప‌రిచింది. ఇక తెలుగు రాష్ట్రాల్లో సర్దార్ 3 డేస్ టోట‌ల్ కలెక్షన్స్ ను ఓసారి గమనిస్తే..
నైజాం- 1.51 కోట్లు
సీడెడ్- 0.47 కోట్లు
ఆంధ్ర- 1.50 కోట్లు
—————————————–
ఏపి+ తెలంగాణ= రూ. 3.48 కోట్లు(రూ. 6.05 కోట్లు~ గ్రాస్‌)
—————————————–
కాగా, తెలుగు రాష్ట్రాల్లో ఈ చిత్రానికి రూ. 5 కోట్ల రేంజ్ లో థియేటర్ బిజినెస్ జరిగింది. రూ. 5.50 కోట్ల బ్రేక్ ఈవెన్ టార్గెట్‌తో బ‌రిలోకి దిగిన ఈ చిత్రం.. టార్గెట్‌ను రీచ్ అవ్వాలంటే మొద‌టి మూడు రోజులు వ‌చ్చిన వ‌సూళ్లు కాకుండా ఇంకా రూ. 2.02 కోట్ల రేంజ్ లో షేర్‌ను అందుకుంటే స‌రిపోతుంది.
