టాలీవుడ్ టాలెంటెడ్ హీరో శర్వానంద్ త్వరలోనే `ఒకే ఒక జీవితం` మూవీతో ప్రేక్షకులను పలకరించబోతున్న సంగతి తెలిసిందే. ఇందులో రీతూ వర్మ హీరోయిన్గా నటిస్తే.. అమల అక్కినేని శర్వాకు తల్లి పాత్రను పోషించింది. అలాగే వెన్నెల కిషోర్, ప్రియదర్శి కీలక పాత్రల్లో అలరించబోతున్నారు.
శ్రీ కార్తీక్ దర్శకత్వం వహించిన ఈ చిత్రంలో డ్రీమ్ వారియర్ పిక్చర్స్ బ్యానర్పై ఎస్ఆర్ ప్రభు, ఎస్ ఆర్ ప్రకాష్ బాబు నిర్మించారు. సెప్టెంబర్ 9న ఈ మూవీ విడుదల కాబోతోంది. ఈ సినిమాకి తరుణ్ భాస్కర్ సంభాషణలు అందించారు. అయితే ప్రమోషన్స్ లో భాగంగా ఆయన శర్వానంద్ ను ఇంటర్వ్యూ చేశారు.
ఈ సందర్భంగా శర్వానంద్ ఎన్నో ఇంట్రస్టింగ్ విషయాలను పంచుకున్నారు. మరెన్నో అనుభవాలను షేర్ చేసుకున్నారు. అలాగే కెరియర్లో తనకి ఎదురైన ఒక సంఘటన గురించి సైతం ప్రస్తావించారు. శర్వానంద్ మాట్లాడుతూ.. “చాలా కాలం క్రితం హీరోగా నేను `కో అంటే కోటి` సినిమాను చేశాను. ఆ సినిమాకు నిర్మాతను కూడా నేనే. అయితే ఆ సినిమా ఫ్లాప్ అయింది.ఆర్ధికంగా నాకు నష్టాలు తెచ్చిపెట్టింది.
ఆ టైమ్లో నా ఫ్రెండ్స్ తో సహా దగ్గరవారు సైతం దూరమయ్యారు. ఆ సినిమా కోసం చేసిన అప్పులు తీర్చడానికి నాకు ఆరేళ్లు పట్టింది. ఈ ఆరేళ్లలో నేను ఒక్క షర్టు కూడా కొనుక్కోలేదు. వచ్చిన ప్రతి పైసాను అప్పులే తీర్చాను. ఫ్లాప్స్ వలన కూడా కొన్ని పాఠాలు నేర్చుకున్నాను` అంటూ ఎమోషనల్ అయ్యాడు. దీంతో ఈయన కామెంట్స్ నెట్టింట వైరల్గా మారాయి.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!