టాలెంటెడ్ హీరో శర్వానంద్ ఇటీవల `ఒకే ఒక జీవితం` మూవీ తో ప్రేక్షకులను పలకరించిన సంగతి తెలిసిందే. శ్రీ కార్తీక్ దర్శకత్వం వహించిన ఈ చిత్రంలో రీతూ వర్మ హీరోయిన్గా నటించింది. అలాగే అమల అక్కినేని, వెన్నెల కిషోర్, ప్రియదర్శి, నాజర్ తదితరులు కీలక పాత్రలను పోషించారు.
టైం ట్రావెల్ కాన్సెప్ట్తో మదర్ సెంటిమెంట్ నేపథ్యంలో రూపుదిద్దుకున్న ఈ చిత్రం సెప్టెంబర్ 9న తెలుగుతో పాటు తమిళంలోనూ విడుదలైంది. ఫస్ట్ షో నుంచే హిట్ టాక్ ను సొంతం చేసుకున్న ఈ చిత్రం బాక్సాఫీస్ వద్ద మంచి వసూళ్లు రాబట్టింది. గత కొంత కాలం నుంచి వరుస ఫ్లాపులతో సతమతమవుతున్న శర్వానంద్ ఈ సినిమాతో మళ్ళీ సక్సెస్ ట్రాక్ ఎక్కాడు.
ఇకపోతే ఇప్పుడు ఈ హిట్ మూవీని ఓటీటీలో స్ట్రీమింగ్ చేసేందుకు సన్నాహాలు జరుగుతున్నాయి. `ఒకే ఒక జీవితం` డిజిటల్ స్ట్రీమింగ్ హక్కులను ప్రముఖ ఓటీటీ సమస్థ సోనీ లీవ్ సాలిడ్ ధరకు దక్కించుకుంది.
అయితే ఈ సినిమా బాక్సాఫీస్ వద్ద బాగానే రాణించడంతో.. థియేటర్స్ లో విడుదలైన ఆరు వారాల తర్వాత ఓటీటీలో స్ట్రీమింగ్ చేయాలని నిర్ణయించారట. ఇందులో భాగంగానే అక్టోబర్ 14 నుంచి ఓటీటీలోకి దింపాలని సోనీ లీవ్ నిర్వాహకులు ప్లాన్ చేస్తున్నట్టు తాజాగా ఓ న్యూస్ బయటకు వచ్చింది. దీనిపై అధికారిక ప్రకటన రావాల్సి ఉంది.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!