`వ‌రుణ్ డాక్ట‌ర్‌`, `డాన్‌` చిత్రాల‌తో కోలీవుడ్ లోనే కాకుండా టాలీవుడ్‌లోనూ బ్యాక్ టు బ్యాక్ హిట్ల‌ను ఖాతాలో వేసుకున్న తమిళ యంగ్ స్టార్ శివ కార్తికేయన్.. ఇప్పుడు `ప్రిన్స్` మూవీతోనే ప్రేక్ష‌కుల‌ను ప‌ల‌క‌రించేందుకు సిద్ధం అవుతున్నారు. శివ కార్తికేయన్ తెలుగులో డైరెక్ట్‌గా చేసిన చిత్ర‌మిది.
`జాతిరత్నాలు` ఫేమ్ అనుదీప్ ద‌ర్శ‌క‌త్వం వ‌హించిన ఈ చిత్రంలో యుక్రెయిన్ నటి మరియా హీరోయిన్‌గా న‌టించింది. శ్రీ వెంకటేశ్వర సినిమాస్ ఎల్ ఎల్ పి, సురేష్ ప్రొడక్షన్స్, శాంతి టాకీస్ బ్యానర్‌లపై సునీల్ నారంగ్, డి.సురేష్ బాబు, పుష్కర్ రామ్మోహన్ రావు నిర్మించిన ఈ చిత్రం దీపావళి కానుకగా అక్టోబర్ 21న వరల్డ్ వైడ్ తెలుగు, తమిళ భాషల్లో విడుదల కానుంది.
ఇప్ప‌టికే మేక‌ర్స్ తెలుగుతో పాటు త‌మిళంలో ఈ సినిమాను విసృతంగా ప్ర‌మోట్ చేస్తున్నారు. అయితే తాజాగా ఈ సినిమా థియేట్రిక‌ల్ బిజినెస్ లెక్క‌లు బ‌య‌ట‌కు వ‌చ్చాయి. వాటి ప్ర‌కారం చూస్తే `ప్రిన్స్` ఎదుట భారీ టార్గెట్ ఉంద‌ని చెప్పొచ్చు. తెలుగు రాష్ట్రాల్లోనే ఈ చిత్రానికి రూ. 9 కోట్లకు పైగా బిజినెస్ జ‌రిగింది. టోటల్ వరల్డ్ వైడ్ వాల్యూ బిజినెస్ రేంజ్ రూ. 50 కోట్లకు పైగా ఉంది. ఇక ఏరియాల వారిగా ప్రిన్స్ టోటల్ బిజినెస్ లెక్క‌ల‌ను ఓసారి గ‌మ‌నిస్తే..
తమిళనాడు – 30 కోట్లు
తెలుగు రాష్ట్రాలు- 9.50 కోట్లు
కర్ణాటక- 2.50 కోట్లు
కేరళ – 1.50 కోట్లు
రెస్టాప్ ఇండియా – 1.00 కోట్లు
ఓవర్సీస్ – 6.50 కోట్లు
———————————–
వరల్డ్ వైడ్ బిజినెస్ – 51.00 కోట్లు
———————————–
కాగా, వరల్డ్ వైడ్‌గా రూ. 51 కోట్ల బిజినెస్ చేసిన ఈ చిత్రం.. రేపు రూ. 52 కోట్ల బ్రేక్ ఈవెన్ టార్గెట్‌తో బ‌రిలోకి దిగుతోంది. అంటే శివ కార్తికేయన్ హ్యాట్రిక్ హిట్ కొట్టాలంటే రూ. 52 కోట్ల షేర్‌ను అందుకోవాల్సి ఉంద‌న్నమ‌ట.
