గత కొంతకాలం నుంచి వరుస ఫ్లాపులతో సతమతమవుతున్న నాచురల్ స్టార్ నాని.. గత ఏడాది `శ్యామ్ సింగరాయ్` చిత్రంతో బ్లాక్ బస్టర్ హిట్ అందుకుని సక్సెస్ ట్రాక్ ఎక్కాడు. అయితే ఈ సక్సెస్ తెచ్చిన ఆనందం ఆయనకు ఎంతో కాలం నిలవలేదు. ఈ మూవీ అనంతరం నాని `అంటే.. సుందరానికి` మూవీ తో ప్రేక్షకులను పలకరించాడు.
భారీ అంచనాల నడుమ విడుదలైన ఈ చిత్రం బాక్సాఫీస్ వద్ద బొక్క బోర్లా పడింది. ప్రస్తుతం నాని `దసరా` అనే సినిమా చేస్తున్నాడు. శ్రీకాంత్ ఓదెల దర్శకత్వం వహిస్తున్న ఈ చిత్రంలో కీర్తి సురేష్ హీరోయిన్ గా నటిస్తోంది. శ్రీ లక్ష్మీ వెంకటేశ్వర సినిమాస్ బ్యానర్పై సుధాకర్ చెరుకూరి ఈ చిత్రాన్ని నిర్మిస్తున్నారు.
తెలుగు రాష్ట్రంలోని సింగరేణి బొగ్గు గనుల బ్యాక్డ్రాప్లో మాస్ యాక్షన్ ఎంటర్ టైనర్ గా ఈ చిత్రం రూపుదిద్దుకుంటోంది. ఇందులో నాని మున్నెప్పుడూ కనిపించని ఊర మాస్ లుక్ లో అలరించబోతున్నాడు. ఇదిలా ఉంటే.. ఈ దసరా పండుగకు నాని దసరా నుంచి సాలిట్ ట్వీట్ రాబోతోంది. అదే ఫస్ట్ సింగిల్.
`ధూమ్ ధూమ్ దోస్త్` అంటూ సాగే ఫస్ట్ సింగిల్ ను దసరా పండగ కానుకగా బయటకు వదలబోతున్నారు. ఈ విషయాన్ని నానితో ఎనౌన్స్ చేయిస్తూ చిన్నపాటి వీడియో ఒకటి వదిలారు. ఈ అప్టేడ్తో నాని ఫ్యాన్స్ ఫుల్ ఖుషీ అవుతున్నారు. కాగా, శరవేగంగా షూటింగ్ కంప్లీట్ చేసుకున్న ఈ చిత్రాన్ని వచ్చే ఏడాది మార్చి 30న పాన్ ఇండియా స్థాయిలో విడుదల చేయబోతున్నట్లు ఇప్పటికే ప్రకటించారు. అలాగే ఈ చిత్రానికి సంతోష్ నారాయణ్ సంగీతం అందిస్తున్నారు.
It’s time 🔥#DhoomDhaamDhosthaan
This#Dasara pic.twitter.com/ZbUOc57vNp— Nani (@NameisNani) September 29, 2022