టాలీవుడ్లో టైర్-2 హీరోల లిస్ట్లో కొనసాగుతున్న ఎనర్జిటిక్ స్టార్ రామ్ పోతినేని, యంగ్ స్టార్ నితిన్ లకు సేమ్ టు సేమ్ ఒకే పరిస్థితి ఏర్పడింది. పూర్తి వివరాల్లోకి వెళ్తే.. గత నెలలో రామ్ `ది వారియర్` అంటూ ప్రేక్షకులను పలకరించాడు. తమిళ దర్శకుడు ఎన్. లింగుసామి తెరకెక్కించిన ఈ చిత్రంలో యంగ్ బ్యూటీ కృతి శెట్టి హీరోయిన్గా నటించింది.
ఆది పినిశెట్టి విలన్గా చేశాడు. కెరీర్లోనే రామ్ తొలిసారి పోలీస్ ఆఫీసర్గా చేసిన చిత్రమిది. పోస్టర్స్, సాంగ్స్, టీజర్, ట్రైలర్తో సినిమాపై మంచి హైప్ను క్రియేట్ చేశారు. ముఖ్యంగా ఈ మూవీలోనే `బుల్లెట్` ఎంత పాపులర్ అయిందో, ఎన్ని రికార్డులను నెలకొల్పిందో తెలిసింది. అయితే భారీ అంచనాల నడుమ జూలై 14న తెలుగు, తమిళ భాషల్లో విడుదలైన ఈ చిత్రం బాక్సాఫీస్ వద్ద ఘోరంగా బోల్తా పడింది.
ఇక నితిన్ విషయానికి వస్తే.. గత కొంత కాలం నుంచి వరుస ఫ్లాపులతో సతమతం అవుతున్న ఈయన తాజాగా `మాచర్ల నియోజకవర్గం`తో వచ్చాడు. ఇందులోనూ కృతి శెట్టినే హీరోయిన్గా నటించింది. కేథరిన్ థ్రెసా సెకెండ్ హీరోయిన్గా చేసింది. ఎం. ఎస్. రాజశేఖర్ రెడ్డి అనే కొత్త దర్శకుడు తెరకెక్కించిన ఈ చిత్రం ఆగస్టు 12న విడుదలై.. ఫ్లాప్ టాక్ను మూటగట్టుకుంది.
కానీ, ఈ సినిమాలోని `రారా రెడ్డి నేను రెడీ` సాంగ్ మాత్రం వేరె లెవల్లో ఊపేస్తోంది. నితిన్ అంజలిపై చిత్రీకరించిన ఈ పాటకు సెలబ్రెటీలు కూడా చిందులు వేస్తున్నారు. మొత్తానికి `ది వారియర్`, `మాచర్ల నియోజకవర్గం` పాటలు సూపర్ హిట్ అనిపించుకున్నా.. సినిమాలు మాత్రం ఫట్ అయ్యాయి. పాటులు బాగుంటే సరిపోదు.. సినిమాలో సరైన కంటెంట్ ఉంటేనే ప్రేక్షకులు ఆదరిస్తారు అని చెప్పడానికి ఈ రెండు సినిమాలు ఉదాహరణగా నిలిచాయి.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!