మంచి టాలెంట్ ఉన్నా సక్సెస్ లేని టాలీవుడ్ హీరోల్లో శ్రీవిష్ణు ఒకడు. `బ్రోచేవారెవరురా` తర్వాత వరుస పెట్టి సినిమాలు చేసిన శ్రీ విష్ణుకు స‌రైన హిట్ మాత్రం ప‌డ‌లేదు. ప్రస్తుతం ఈయన ఆశలన్నీ`అల్లూరి` మీదే ఉన్నాయి. ప్రదీప్ వర్మ దర్శకత్వం వహించిన ఈ చిత్రాన్ని లక్కీ మీడియా బ్యానర్‌పై బెక్కమ్ వేణుగోపాల్ నిర్మించారు.
కయాడు లోహర్ ఇందులో హీరోయిన్ గా నటిస్తే.. సుమన్, తనికెళ్ల భరణి తదితరులు కీలక పాత్రలు పోషించారు. సెప్టెంబర్ 23న ఈ చిత్రం ప్రపంచ వ్యాప్తంగా ప్రేక్షకుల ముందుకు రాబోతోంది. ఈ నేపథ్యంలోనే మేకర్స్ తాజాగా ఈ సినిమా ట్రైలర్ ను విడుద‌ల చేశారు. నాచురల్ స్టార్ నాని చేతుల మీద‌గా ఈ ట్రైలర్ బ‌య‌ట‌కు వ‌చ్చింది.
`జీవితంలో ఏదైనా సాధించదలుచుకున్న వాళ్ళు ఒక లక్ష్యం పెట్టుకుంటారు. లక్ష్యం పెట్టుకోవడం పెద్ద విషయం ఏమీ కాదు. లక్ష్యం సాధించడం కూడా పెద్ద గొప్ప విషయం ఏమీ కాదు. కానీ, ఆ లక్ష్యం కోసం జరిపే పోరాటం ఉంది చూశావా.. అది అద్భుతం` అంటూ తనికెళ్ల భరణి చెప్పిన డైలాగ్ తో ప్రారంభ‌మైన ఈ ట్రైలర్ ఆధ్యంతం ప‌వ‌ర్ ఫుల్‌గా సాగుతూ అల‌రించింది.
ఇందులో పోలీస్ ఆఫీసర్ అల్లూరి సీతారామరాజుగా శ్రీవిష్ణు త‌న‌దైన ప‌ర్ఫామెన్స్‌తో అద‌ర‌గొట్టేశాడు. నిజజీవిత సంఘటనల ఆధారంగా క‌ల్పిత క‌థ‌తో ఈ చిత్రాన్ని తెర‌కెక్కించారు. హీరోయిన్‌తో శ్రీవిష్ణు రొమాంటిక్ ట్రాక్‌ను కూడా ట్రైల‌ర్‌తో చూపించారు. ఇదో ఫుల్ యాక్ష‌న్ డ్రామా అని ట్రైలర్ బ‌ట్టీ అర్థం అవుతోంది. మొత్తానికి ఆక‌ట్టుకుంటోన్న ట్రైలర్ సినిమాపై మంచి అంచ‌నాల‌ను క్రియేట్ చేసింది.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!