యంగ్ సెన్సేషన్ కృతి శెట్టి గురించి ప్రత్యేకమైన పరిచయాలు అవసరం లేదు. `ఉప్పెన` మూవీతో టాలీవుడ్ లోకి అడుగు పెట్టిన ఈ బ్యూటీ.. ఆ వెంట‌నే `శ్యామ్ సింగ‌రాయ్‌`, `బంగార్రాజు` చిత్రాలతో హ్యాట్రిక్ విజయాలను ఖాతాలో వేసుకుంది. కెరీర్ ఆరంభంలోనే మూడు హిట్లు పడడంతో లక్కీ బ్యూటీ అంటూ కృతి శెట్టిని అందరూ ఆకాశానికి ఎత్తేశారు.
అయితే ఆ ఆనందం ఆమెకు ఎక్కువ కాలం ఉండలేదు. ఎందుకంటే ఆమె నుంచి చివరగా వచ్చిన `ది వారియ‌ర్‌`, `మాచర్ల నియోజకవర్గం` చిత్రాలు బాక్సాఫీస్ వద్ద బొక్క బోర్లా పడ్డయి. ప్రస్తుతం వరుస ఫ్లాపులతో సతమతమవుతున్న కృతి శెట్టి భవిష్యత్తు ఏంటో చెప్పేశాడు ప్రముఖ హీరో సుధీర్ బాబు. వీరిద్దరూ జంటగా `ఆ అమ్మాయి గురించి మీకు చెప్పాలి` అనే సినిమాలో నటించిన సంగతి తెలిసిందే.
ఇంద్రగంటి మోహన్ కృష్ణ దర్శకత్వంలో రూపుదిద్దుకున్న ఈ చిత్రాన్ని బెంచ్‌మార్క్ స్టూడియోస్ బ్యానర్‌పై బి.మహేంద్ర బాబు, కిరణ్ బల్లంపల్లి సంయుక్తంగా నిర్మించారు. సెప్టెంబర్ 16 న ఈ చిత్రం ప్రేక్షకుల ముందుకు రాబోతోంది. ఈ నేపథ్యంలోనే తాజాగా ఓ ఇంటర్వ్యూలో పాల్గొన్న సుధీర్ బాబు ఈ సినిమాకు సంబంధించి ఎన్నో విశేషాలను పంచుకున్నారు.
అలాగే కొద్దిసేపు పై ఆసక్తికర వ్యాఖ్యలు చేశారు. ఈ సినిమాలో కృతి శెట్టి పాత్ర చాలా బాగుంటుందని, అంద‌రికీ క‌నెక్ట్ అవుతుంద‌ని చెప్పుకొచ్చిన సుధీర్ బాబు.. ఉప్పెన తరువాత ఆమెకి ఎలా అవకాశాలు వచ్చి పడ్డాయో, అలాగే ఈ సినిమా తరువాత కూడా అవకాశాలు క్యూ కడతాయంటూ భవిష్యత్తు కూడా చెప్పేశారు. మ‌రి నిజంగానే సుధీర్ బాబు చెప్పినట్లు కృతి శెట్టికి ఆఫ‌ర్లు క్యూ క‌డ‌తాయా..? లేక ఈ మూవీతోనూ ఆమెకు నిరాశే ఎదుర‌వుతుందా..? అన్న‌ది చూడాలి.
