మిల్కీ బ్యూటీ తమన్నా తాజాగా బంపర్ ఆఫర్ పట్టేసిందట. సూపర్ స్టార్ రజనీకాంత్కు జోడీగా ఈ ముద్దుగుమ్మ అలరించేందుకు సిద్ధం అవుతోంది. పూర్తి వివరాల్లోకి వెళ్తే.. ప్రముఖ కోలీవుడ్ డైరెక్టర్ నెల్సన్ దిలీప్కుమార్, రాజనీకాంత్ కాంబినేషన్లో ప్రస్తుతం ఈ మూవీ తెరకెక్కుతున్న సంగతి తెలిసిందే.
రజనీకాంత్ కెరీర్లో ఇది 169వ సినిమా. దీనిని `జైలర్` అనే టైటిల్ను కూడా ఖరారు చేశారు. సన్ పిక్చర్స్ బ్యానర్పై కళానిధి మారన్ నిర్మిస్తున్న ఈ సినిమా.. ఇప్పటికే కొంత షూటింగ్ను కూడా కంప్లీట్ చేసుకుంది. అయితే ఈ చిత్రంలో హీరోయిన్ పాత్ర కోసం తాజాగా మేకర్స్ తమన్నాను సంప్రదించగా.. ఆమె వెంటనే ఓకే చెప్పేసిందట.
ఈ చిత్రంలో రజినీ డ్యూయల్ రోల్లో కనిపించబోతున్నారు. అయితే ఒక పాత్రకు హీరోయిన్గా రమ్యకృష్ణ నటించబోతుండగా.. రెండో పాత్రకు జోడీగా తమన్నా మెరవబోతోందని ప్రచారం జరుగుతోంది. గతంలో రజనీకాంత్ తో కలిసి నటించడమే తన డ్రీమ్ అని తమన్నా ఎన్నో సందర్భాల్లో వెల్లడింది.
ఈ సినిమాతో మిల్కీ బ్యూటీ ముచ్చట తీరినట్టే అని అంటున్నారు. కాగా, తమన్నా ఇతర ప్రాజెక్ట్స్ విషయానికి వస్తే.. తెలుగులో ఈమె తెలుగులో మెగాస్టార్ చిరంజీవికి జోడీగా `భోళా శంకర్`, సత్యదేవ్ సరసన `గుర్తుందా శీతాకాలం` చిత్రాలు చేస్తోంది. అలాగే హిందీలో `బోల్ చుడియన్`, `ప్లాన్ ఏ ప్లాన్ బి`, `బబ్లీ బౌన్సర్` చిత్రాలతో బిజీగా గడుపుతోంది.