`మనం` వంటి బ్లాక్ బస్టర్ హిట్ తర్వాత యువ సామ్రాట్ అక్కినేని నాగచైతన్య, విక్రమ్ కె కుమార్ కాంబినేషన్లో రూపుదిద్దుకున్న తాజా చిత్రం `థ్యాంక్యూ`. ఇందులో రాశి ఖన్నా హీరోయిన్గా నటిస్తే.. మాళవికా నాయర్, ప్రకాష్ రాజ్, సంపత్, అవికా గోర్ తదితరులు కీలక పాత్రలను పోషించారు.
శ్రీ వెంకటేశ్వర క్రియేషన్స్ బ్యానర్పై దిల్ రాజు, శిరీష్ కలిసి నిర్మించిన ఈ చిత్రం జూలై 22న గ్రాండ్గా విడుదలైంది. ఫీల్ గుడ్ మూవీగా వచ్చిన ఈ సినిమా.. ప్రేక్షకులను ఆకట్టుకోవడంలో విఫలం అయింది. భారీ వర్షాలు, మిశ్రమ స్పందన రావడం, లో బజ్ కారణంగా బాక్సాఫీస్ వద్ద ఈ మూవీ యావరేజ్ కలెక్షన్స్ను రాబట్టింది.
తెలుగు రాష్ట్రాల్లో రూ. 1.65 కోట్ల రేంజ్ లో షేర్ ని సొంతం చేసుకున్న ఈ సినిమా.. వరల్డ్ వైడ్గా రూ. 2.16 కోట్ల షేర్తో సరిపెట్టుకుంది. దీంతో చైతు కెరీర్ లోనే వరస్ట్ ఓపెనింగ్స్ సాధించిన సినిమాగా థ్యాంక్యూ నిలిచింది. ఇక ఏరియాల వారీగా థ్యాంక్యూ ఫస్ట్ డే కలెక్షన్స్ను ఓసారి గమనిస్తే..
నైజాం: 0.72 కోట్లు
సీడెడ్: 0.20 కోట్లు
ఉత్తరాంధ్ర: 0.22 కోట్లు
తూర్పు: 0.14 కోట్లు
పశ్చిమ: 0.8 కోట్లు
గుంటూరు: 0.10 కోట్లు
కృష్ణ: 0.12 కోట్లు
నెల్లూరు: 0.7 కోట్లు
—————————-
ఏపీ+తెలంగాణ= 1.65 కోట్లు(2.70కోట్లు~ గ్రాస్)
—————————-
కర్ణాటక+రెస్టాఫ్ ఇండియా: 0.6 కోట్లు
ఓవర్సీస్: 0.45 కోట్లు
———————————
టోటల్ వరల్డ్ వైడ్: 2.16కోట్లు(3.70కోట్లు~ గ్రాస్)
———————————
కాగా, వరల్డ్ వైడ్గా రూ. 24 కోట్ల రేంజ్లో ప్రీ రిలీజ్ బిజినెస్ చేసిన ఈ చిత్రం.. రూ. 25 కోట్ల బ్రేక్ ఈవెన్ టార్గెట్తో బరిలోకి దిగింది. దీంతో ఇప్పుడీ మూవీ బాక్సాఫీస్ వద్ద క్లీన్ హిట్ అవ్వాలంటే తొలి రోజు వచ్చిన కలెక్షన్స్ కాకుండా.. ఇంకా రూ. 22.84 కోట్ల షేర్ను వసూల్ చేయాల్సి ఉంటుంది.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!