ఏపీ పోలీస్ శాఖలో సంచలనం..కొంపముంచిన బ్యాంకాక్ టూర్.. ఎస్ఐ సస్పెండ్. !!

ప్రకాశం జిల్లా ఎస్పీ మలిక గార్గ్ దర్శి ఎస్ఐ చంద్రశేఖర్ నీ సస్పెండ్ చేశారు. విషయంలోకి వెళ్తే ఈ నెల 13వ తారీకు అధికార పార్టీ వైసీపీ నేతలతో కలిసి చంద్రశేఖర్ బ్యాంకాక్ వెళ్లడం జరిగింది. దీంతో ప్రభుత్వ అధికారిగా ఉండి ఉన్నత అధికారుల నుండి ఎటువంటి అనుమతులు తీసుకోకుండానే వైసీపీ నాయకులతో కలసి విదేశీ పర్యటనకు వెళ్లడం ప్రచారం జరగగా దానిపై విచారణ జరిపి.. తాజాగా జిల్లా ఎస్పీ..ఎస్ఐ  పై  చర్యలు తీసుకోవడం జరిగింది. ఇదే సందర్భంలో రూల్స్ కి వ్యతిరేకంగా పోలీస్ అధికారులు తప్పు చేస్తే చర్యలు కఠినంగా ఉంటాయని జిల్లా ఎస్బి హెచ్చరించారు.

మరోపక్క చంద్రశేఖర్ ఉద్యోగంలో చేరిన నాటి నుండి ఎన్నిసార్లు విదేశాలకు వెళ్లారు..? ఆ సమయంలో ఉన్నతాధికారుల వద్ద అనుమతులు తీసుకున్నారా ..? అనే కోణంలో కూడా లోతుగా విచారణ చేపడుతున్నారు. పాస్ పోర్ట్ ఆధారంగా చంద్రశేఖర్ పర్యటన వివరాలు తెలుసుకుంటున్నారు. అంత మాత్రమే కాదు ఎస్సైగా పనిచేస్తున్న సమయంలో చంద్రశేఖర్ ప్రవర్తన తీరును కూడా పరిగణలోకి తీసుకుంటున్నారు. ఇక బ్యాంకాక్ పర్యటన సమయంలో స్నేహితులు ఇంకా ఉన్నతాధికారుల గురించి మాట్లాడిన వీడియో పై కూడా విచారణ చేపడుతున్నారు.

పరిస్థితి మరి తనకి వ్యతిరేకంగా ఉండటంతో ఎస్సై తన పలుకుబడి ఉపయోగిస్తూ ప్రజాప్రతినిధులతో.. ఉన్న పరిచయాలు కారణంగా పోలీస్ అధికారులపై ఒత్తిడి తీసుకొచ్చే ప్రయత్నాలు చేశారట. అయిన గాని జిల్లా ఎస్పీ మాత్రం.. వాటిని పరిగణలోకి తీసుకోకుండా.. ఎస్ఐ చంద్రశేఖర్ పై వేటు వేయడం ఏపీ పోలీస్ శాఖలో .. సంచలనంగా మారింది. దీంతో ఎస్ఐ బ్యాంకాక్ టూర్ ఆయన పై వేటు  రాష్ట్ర పోలీస్ శాఖలో చర్చనీయాంశంగా మారింది.