టాలీవుడ్ కింగ్ నాగార్జున, బాలీవుడ్ ముద్దుగుమ్మ సోనాల్ చౌహాన్ జంటగా నటించిన చిత్రం `ది ఘోస్ట్`. శ్రీ వెంకటేశ్వర సినిమాస్ ఎల్ఎల్పి, నార్త్ స్టార్ ఎంటర్టైన్మెంట్ బ్యానర్లపై నారాయణ్ దాస్ నారంగ్, సునీల్ నారంగ్, పుస్కుర్ రామ్ మోహన్ రావు, శరత్ మరార్ సంయుక్తంగా నిర్మించిన ఈ చిత్రానికి ప్రవీణ్ సత్తారు దర్శకత్వం వహించారు.
సిస్టర్ సెంటిమెంట్ నేపథ్యంలో సాగే ఈ అవుట్ అండ్ అవుట్ హై ఓల్టేజ్ యాక్షన్ మూవీ దసరా పండగ కానుకగా నేడు ప్రేక్షకుల ముందుకు రాబోతోంది. ఈ సినిమాపై భారీ అంచనాలను ఉన్నాయి. నాగార్జున కూడా ఈ మూవీతో సూపర్ హిట్ను ఖాతాలో వేసుకోవాలని తెగ ముచ్చట పడుతున్నారు.
అయితే తాజాగా `ది ఘోస్ట్` ఫస్ట్ రివ్యూ వచ్చేసింది. `ది ఘోస్ట్` మూవీని వీక్షించిన ప్రముఖ సెన్సార్ సభ్యుడు మరియు సినీ క్రిటిక్ ఉమైర్ సందు.. తన అభిప్రాయాన్ని ట్విట్టర్ వేదికగా పంచుకున్నారు. `ఇది ఒక బి గ్రేడ్ మసాలా ఫ్లిక్. కథ, కథనాలు బాగా విసిగించాయి` అంటూ ఆయన ట్విట్ చేశారు.
అలాగే `ది ఘోస్ట్`కు కేవలం 2/5 రేటింగ్ను మాత్రమే ఇచ్చాడు. అయితే ఉమైర్ సందు రివ్యూలను ఎవరూ పెద్దగా ఫాలో అవ్వరు. ఎందుకంటే, ఈయన అసలు సినిమా చూసే రివ్యూ చెబుతాడా అనేంతలా ఘోరంగా ఉంటాయి. ఈ విషయంలోపై మొన్నామధ్య నటి సుహాసిన సైతం ఉమైర్ సందుకు క్లాస్ పీకింది. మరి ఈ సారి ఉమైర్ సందు రివ్యూ ఎంత వరకు కరెక్ట్ అవుతుందో చూడాలి.