అదిరిపోయిన `అన్‌స్టాపబుల్ 2` ట్రైల‌ర్.. దెబ్బకు థింకింగ్ మారిపోవాలా!

నటసింహం నందమూరి బాలకృష్ణ తొలిసారి హోస్ట్ గా చేసిన షో `అన్‌స్టాప‌బుల్‌ విత్ ఎన్‌బీకే`. ప్రముఖ తెలుగు ఓటీటీ సంస్థ ఆహా వేదికగా గత ఏడాది ప్రసారమైన ఈ షో సంచలన విజయం సాధించిన సంగతి తెలిసిందే. ఇండియాలోనే టాప్ టాక్ షోగా రికార్డును సైతం సృష్టించింది. ఈ నేపథ్యంలోనే అన్‌స్టాపబుల్ సీజన్ 2 ను స్టార్ట్ చేసేందుకు ఆహా టీం సన్నాహాలు చేస్తోంది.

ఇప్పటికే ఎపిసోడ్లకు సంబంధించి షూటింగ్ ను సైతం షురూ చేశారు. అయితే తాజాగా అన్‌స్టాపబుల్ 2 ట్రైలర్ ను మేకర్స్ బయటకు వదిలారు. ఈ ట్రైల‌ర్‌లో బాలకృష్ణ ఒక ప్రమాదకర మిషన్ ని చేపడుతూ కనిపించారు. `అంధకార భయారణ్యంలో నిక్షిప్తమైన నిగూడ నిధి అన్‌ మ్యాచెబుల్‌, అక్కడ ఎదురయ్యే సవాళ్ళు అన్‌ ప్రెడిక్టెబుల్‌.. అయినా ఆగని మనం పోరాటం అన్‌స్టాపబుల్.

గెలుపే ఊపిరిగా.. పట్టుదలే ప్రాణంగా.. ఆశయమే గమ్యంగా పోరాడే యోధుడికి విజయం అన్‌స్టాపబుల్‌. ప్రశ్నల్లో మరింత ఫైర్‌.. ఆటల్లో మరింత డేర్‌.. సరదాల్లో మరింత సెటైర్‌..మీకోసం మరింత రంజుగా అన్‌స్టాపబుల్‌-2` అంటూ బాల‌య్య ప‌వ‌ర్ ఫుల్ డైలాగ్స్‌తో పిచ్చెక్కించేశారు. చివ‌ర్లో బాల‌య్య ప‌లికిన `దెబ్బకు థింకింగ్ మారిపోవాలా` డైలాగ్ మ‌రింత హైలెట్ అయింది.

మొత్తానికి అదిరిపోయిన‌ `అన్‌స్టాపబుల్ 2` ట్రైల‌ర్.. షోపై భారీ అంచ‌నాల‌ను క్రియేట్ చేసింది. కాగా, అక్టోబర్ 14 నుంచి `అన్‌స్టాప‌బుల్ 2` స్ట్రీమింగ్ కానుంది. ప్రతి శుక్రవారం కొత్త ఎపిసోడ్ ఆహా టీమ్ విడుదల చేయ‌నుంది. మ‌రి సీజ‌న్ 2 ఏ రేంజ్‌లో ప్రేక్ష‌కుల‌ను ఆక‌ట్టుకోనుందో చూడాలి.

ప్రశ్నల్లో మరింత ఫైర్!
ఆటల్లో మరింత డేర్!!
సరదాల్లో మరింత సెటైర్!!!
మీకోసం… మరింత రంజుగా…

Season 2 streaming from October 14th, every Friday on aha!

దెబ్బకు థింకింగ్ మారిపోవాలా!#UNSTOPPABLEWITHNBKS2 #NandamuriBalakrishna #ahaVideoIN #NBKOnAHA @PrasanthVarma @anudeepdev pic.twitter.com/jizLxWQzUK

— ahavideoin (@ahavideoIN) October 9, 2022

kavya N

See Full Bio