నట‌సింహం నందమూరి బాలకృష్ణ తో `అఖండ` వంటి బ్లాక్ బ‌స్టర్ హిట్ చిత్రాన్ని తీసిన మాస్ డైరెక్టర్ బోయపాటి శ్రీను.. తన తదుపరి చిత్రాన్ని అనూహ్యంగా టాలీవుడ్ ఎనర్జిటిక్ స్టార్ రామ్ పోతినేని తో అనౌన్స్ చేసిన సంగతి తెలిసిందే. `ఇస్మార్ట్ శంకర్` తర్వాత సరైన హిట్ లేక సతమతం అవుతున్న రామ్ ఈ మూవీతో ఎలాగైనా సక్సెస్ ట్రాక్ ఎక్కాలని ఆశపడుతున్నారు.
ఇది ఆయన కెరీర్ లో తెర‌కెక్కుతోన 20వ చిత్రం. ఇందులో యంగ్ బ్యూటీ శ్రీలీల హీరోయిన్గా నటిస్తోంది. శ్రీనివాస సిల్వర్ స్క్రీన్ బ్యానర్ పై శ్రీనివాస చిట్టూరి పాన్ ఇండియా స్థాయిలో నిర్మిస్తున్న ఈ చిత్రం ఇటీవలే సెట్స్ మీదకు వెళ్ళింది. ప్రస్తుతం శరవేగంగా షూటింగ్ జరుపుకుంటున్న ఈ సినిమా వచ్చే ఏడాది విడుదల కానుంది.
అయితే తాజాగా ఈ సినిమాకు సంబంధించి ఓ క్రేజీ అప్డేట్ బయటకు వచ్చింది. అదేంటంటే ఈ చిత్రంలో ఓ అద్భుతమైన ఐటమ్ సాంగ్ ఉంటుందట. ఆ సాంగ్ కోసం బోయపాటి బాలీవుడ్ హాట్ బ్యూటీ ఊర్వశి రౌతేలాను ఎంపిక చేశారట. ఇప్పటికే సంప్రదింపులు కూడా పూర్తి అయ్యాయని ప్రచారం జరుగుతోంది.
అంతేకాదు ఆమె అందుకుంటున్న రెమ్యునరేషన్ ఇప్పుడు నెట్టింట హాట్ టాపిక్ గా మారింది. రామ్ తో ఆడి పాడేందుకు ఊర్వశి ఏకంగా రూ. 1.5 కోట్లు డిమాండ్ చేసిందట. అయితే మేకర్స్ ఆమె అడిగినంత ఇచ్చేందుకు ఒప్పుకున్నారని టాక్ నడుస్తోంది. పైగా తాజాగా ఊర్వశి రామ్ తో దిగిన ఓ పిక్ ను తన ఇంస్టాగ్రామ్ లో షేర్ చేసింది. దీంతో రామ్ సినిమాలో ఊర్వశి ఐటమ్ సాంగ్ చేస్తోందన్న విషయం కన్ఫామ్ అయిపోయింది. కాగా, ఈ చిత్రానికి ఎస్ ఎస్ తమన్ స్వరాలు అందిస్తున్నాడు.
