అల్లు శిరీష్, అను ఇమ్మాన్యుయేల్ జంటగా నటించిన తాజా చిత్రం `ఊర్వశివో రాక్షసివో`. యూత్‌ఫుల్ రొమాంటిక్ లవ్ ఎంట‌ర్టైన‌ర్ ఇది. అల్లు అరవింద్ సమర్పణలో శ్రీ తిరుమల ప్రొడక్షన్స్ బ్యానర్ పై ధీరజ్ మొగిలినేని నిర్మించిన ఈ చిత్రానికి రాకేష్ శశి దర్శకత్వం వహించారు. ఈ సినిమాను ప్రకటించి దాదాపు రెండేళ్లు అవుతోంది.
మొదట ఈ చిత్రాన్ని `ప్రేమ కాదంట` అనే టైటిల్ తో ప్రమోట్ చేశారు. అయితే రీసెంట్ గా టైటిట్‌ను `ఊర్వశివో రాక్షసివో`గా మార్చి కొత్త పోస్టర్స్ ను బయటకు వదిలారు. న‌వంబ‌ర్ 4న ఈ చిత్రం విడుదల కాబోతోంది. తాజాగా ఈ మూవీ టీజర్ ను విడుదల చేశారు. `కొన్ని విషయాలు మనం ఎంత ట్రై చేసినా జరగవు.. ఒకోసారి అనుకోకుండానే జరిగిపోతాయి.
అలాంటప్పుడే అది మళ్లీ మళ్లీ జరిగితే బాగుండు అనిపిస్తుంది` అంటూ అల్లు శిరీష్ చెప్పే డైలాగ్‌తో ప్రారంభ‌మైన ఈ టీజర్ ఆధ్యంతం సూపర్ రొమాంటిక్‌గా సాగింది. అల్లు శిరీష్, అను.. ఇద్ద‌రూ లిప్ లాక్స్, రొమాంటిక్ స‌న్నివేశాల్లో హ‌ద్దులు దాటేసి మ‌రీ న‌టించారు. `నువ్వు మామూలోడికి కాదు రాజా ఇంట్లో బుద్దిమాన్ ..వీధిలో శక్తిమాన్.. ` అంటూ హీరో గురించి పోసాని చెప్పే డైలాగ్ ఆక‌ట్టుకుంటోంది.
ఒకే ఆఫీస్ లో కలిసి పనిచేసే హీరో, హీరోయిన్లు ఒకరికొకరు ఫిజికల్ గా దగ్గరవుతారు. దాన్ని హీరో లవ్ అనుకుంటే హీరోయిన్ మాత్రం ఫ్రెండ్షిప్ అంటుంది. ఆ త‌ర్వాత హీరో ప‌రిస్థితి ఏంటీ..? ఎలాంటి ప‌రిణామాలు చోటుచేసుకున్నాయి..? అన్న‌దే ఈ సినిమా క‌థ అని టీజర్ బ‌ట్టీ అర్థం అవుతోంది. తాజా టీజర్.. యూత్‌ను విశేషంగా ఆక‌ట్టుకుంటుంది. సినిమాపై ఈ చిత్రం మంచి అంచ‌నాల‌ను కూడా క్రియేట్ చేసింది. మ‌రి ఆ అంచ‌నాల‌ను శిరీష్ అందుకుంటాడా..లేదా.. అన్న‌ది చూడాలి.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!