Balakrishna-Varalaxmi: వరలక్ష్మి శరత్ కుమార్ గురించి ప్రత్యేకమైన పరిచయాలు అవసరం లేదు. తమిళ ఇండస్ట్రీలో హీరోయిన్ గా కెరీర్ స్టార్ట్ చేసిన ఈమె.. ఆ తర్వాత సహాక పాత్రలను, విలన్ పాత్రలను పోషిస్తూ సత్తా చాటుతోంది. ఇటు `తెనాలి రామకృష్ణ బిఏ.బిఎల్` మూవీతో టాలీవుడ్ లోకి ఎంట్రీ.. మొదటి ప్రయోగంలోనే తనదైన నటనతో ఇక్కడ విమర్శకుల నుంచి ప్రశంసలు అందుకుంది.
ఆ తర్వాత `క్రాక్`, `నాంది` చిత్రాలతో తెలుగు ప్రేక్షకులకు మరింత చేరువైన వరలక్ష్మీ.. ప్రస్తుతం తెలుగు, తమిళ భాషల్లో బిజీ నటిగా మారింది.ఇకపోతే ఇప్పుడీ ఈమె తెలుగులో చేస్తున్న చిత్రాల్లో `ఎన్బీకే 107` ఒకటి. నటసింహం నందమూరి బాలకృష్ణ, డైరెక్టర్ గోపీచంద్ మలినేని కాంబినేషన్లో రూపుదిద్దుకుంటున్నా మాస్ యాక్షన్ ఎంటర్టైనర్ మూవీ ఇది.
- Read the latest news from NEWSORBIT
- Follow us on facebook , Twitter , instagram and Googlenews
ఇందులో శ్రుతి హాసన్ హరోయిన్గా నటిస్తుంటే.. వరలక్ష్మి ఓ కీలక పాత్రను పోషిస్తోంది. శరవేగంగా షూటింగ్ జరుపుకుంటున్న ఈ చిత్రం త్వరలోనే ప్రేక్షకుల ముందుకు రాబోతోంది. అయితే తాజాగా వరలక్ష్మి బాలయ్యతో వన్ మోర్ అంటోంది. ఇంతకీ విషయం ఏంటంటే.. బాలయ్య సక్సెస్ ఫుల్ డైరెక్టర్ అనిల్ రావిపూడితో ఓ సినిమా చేయబోతున్న సంగతి తెలిసిందే.
`ఎన్బీకే 108` వర్కింగ్ టైటిల్తో త్వరలోనే ఈ చిత్రం పట్టాలెక్కబోతోంది. తండ్రీకూతుళ్ల మధ్య సాగే కథ ఇది. ఇందులో బాలయ్య కూతురిగా యంగ్ బ్యూటీ శ్రీలీల నటించబోతోంది. అయితే ఇందులో లేడీ విలన్ పాత్ర ఒకటి ఉంటుందట. ఆ పాత్ర కోసం వరలక్ష్మిని సంప్రదించగా.. ఆమె వెంటనే ఓకే చెప్పిందని తాజాగా ఓ వార్త బయటకు వచ్చింది. ఒకవేళ ఈ వార్త నిజమైతే థియేటర్స్లో ప్రేక్షకులకు పూనకాలు ఖాయమని అంటున్నారు.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!