యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా దర్శకథీరుడు రాజమౌళి తెరకెక్కించిన బిగ్గెస్ట్ మల్టీస్టారర్ చిత్రం `ఆర్ఆర్ఆర్`. ఇండియా వైడ్గా సంచలన విజయాన్ని నమోదు చేసిన ఈ చిత్రం ఇటీవల జపాన్ లో విడుదల అయింది. అక్కడ సైతం ఈ సినిమాకు మంచి రెస్పాన్స్ వచ్చింది.
అయితే ఆర్ఆర్ఆర్ తర్వాత మరో స్టార్ హీరో సినిమా జపాన్లో రిలీజ్ అయ్యేందుకు సిద్ధమవుతోంది. ఇంతకీ ఆ హీరో మరెవరో కాదు.. కోలీవుడ్ స్టార్ విజయ్ దళపతి. ఈయన కెరియర్ లో సూపర్ హిట్ గా నిలిచిన `మాస్టర్` చిత్రం ఇప్పుడు జపాన్ లో విడుదల అయ్యేందుకు ముస్తాబు అవుతోంది.
లోకేష్ కనగరాజ్ దర్శకత్వం వహించిన ఈ చిత్రంలో మాలవికా మోహనన్ హీరోయిన్గా నటించింది. విజయ్ సేతుపతి విలన్గా చేశాడు. గత ఏడాది సంక్రాంతి పండుగ కానుకగా జనవరి 13న తమిళంతో పాటు తెలుగులోనూ విడుదలైన ఈ చిత్రం.. సూపర్ డూపర్ హిట్గా నిలిచింది.
అయితే ఇప్పుడు విజయ్ మాస్టర్ సినిమాని జపాన్ లో రిలీజ్ ప్లాన్ చేస్తున్నారు. ఈ ఏడాది నవంబర్ 18న మాస్టర్ సినిమా జపాన్ లో రిలీజ్ కానుంది. మరి ఈ చిత్రం జపాన్ ప్రేక్షకులను ఏ మేరకు ఆకట్టుకుంటో చూడాలి. కాగా, విజయ్ ప్రస్తుతం వంశీ పైడిపల్లి దర్శకత్వంలో `వరిసు(వారసుడు)` అనే చిత్రం చేస్తున్నాడు. రష్మిక మందన్నా హీరోయిన్గా నటిస్తోన్న ఈ చిత్రం.. వచ్చే ఏడాది సంక్రాంతి కానుకగా విడుదల కానుంది.
https://newsorbit.com/entertainment-news/rashmika-role-details-in-thalapathy-66.html
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!